ప్రయోగాలు అన్నపూర్ణ బ్యానర్ పైనే..!

సౌత్ లో ఉన్న బిజీ స్టార్ హీరోయిన్స్ లిస్టు సమంతా పేరు టాప్ పొజిషన్లో ఉంటుంది. పలు తమిళ సినిమాలతో పాటు తెలుగులో కూడా నటిస్తున్న ఈ అక్కినేనివారి కోడలు పిల్ల రీసెంట్ గా 'U టర్న్' అనే థ్రిల్లర్ తో ప్రేక్షకులను మెప్పించింది. మొదట్లో 'U టర్న్' సినిమాతోనే సమంతా నిర్మాణంలోకి అడుగుపెట్టనుందని వార్తలు వచ్చాయిగానీ ఎందుకో నిర్మాతగా మారలేదు. కానీ నిర్మాతగా మారేందుకు సమంతా రెడీగానే ఉందట.

కొత్త బ్యానర్ ను నెలకొల్పడం లేదని క్లారిటీ ఇస్తూనే అన్నపూర్ణ స్టూడియోస్ బ్యానర్ పై ప్రయోగాలు చేస్తానని అంటోంది. రీసెంట్ గా ఇద్దరు యువదర్శకులు చెప్పిన ఇంట్రెస్టింగ్ స్క్రిప్ట్స్ తనకు నచ్చాయని వాటిని తక్కువ బడ్జెట్ లో అన్నపూర్ణ స్టూడియోస్ బ్యానర్ పై నిర్మిస్తానని తెలిపింది. ప్రస్తుతం ఆ సినిమాల స్క్రిప్ట్ వర్క్ జోరుగా సాగుతోందట. ఒకసారి ఫుల్ స్క్రిప్ట్ రెడీ అయ్యాక మామగారు నాగార్జున - హస్బెండ్ చైతుల ఫీడ్ బ్యాక్ తీసుకొని ఆ తర్వాత ముందుకెళతానని తెలిపింది.

సమంతా ట్రాక్ రికార్డు చూస్తే తనకు మంచి జడ్జిమెంట్ ఉందని మనకు అర్థం అవుతుంది. మరి సమంతా తో పాటు మామగారు నాగార్జున కూడా గ్రీన్ సిగ్నల్ ఇస్తే ఇక దాదాపుగా హిట్ ప్రోడక్ట్ అని మనం అనుకోవచ్చు. ఇదే కాకుండా తనకు సినిమా రంగంలో ఉన్న అనుభవం నిర్మాతగా కూడా విజయం సాధించడానికి ఉపయోగపడుతుందని నమ్మకంగా ఉందట.