సమంత చేతికి సూర్య రైట్స్?

సినిమా అంటే చాలామంది హీరోహీరోయిన్ లకు గ్లామర్ ఫీల్డ్ మాత్రమే. కోట్ల కొద్దీ సొమ్ములు కూడబెట్టుకున్నా.. నటీనటులు ఎక్కువగా సంపాదన వరకే పరిమితమవుతుంటారు. కమల్ లాంటి కొందరు మాత్రమే తమ సంపాదనను పూర్తిగా ఇండస్ట్రీలో పోసేస్తుంటారు. తాజాగా రెమ్యూనరేషన్ వదులుకోవడమో, తగ్గించుకోవడమో చేసి.. కొన్ని ఏరియాలకు రైట్స్ తీసుకుంటున్నారు. కాస్త నెట్వర్క్ అవగాహన ఉన్నవాళ్లు సొంతం గా విడుదల చేసుకుంటే, మరికొందరు ఆయా ఏరియాల రైట్స్ ను రీసేల్ చేసేస్తున్నారు.

ఇలా కూడా కాకుండా.. ఏకంగా ఓ సినిమాకి హోల్ అండ్ సోల్ రైట్స్ కొనేస్తోంది సమంత. సూర్యతో కలిసి నటిస్తున్న 24 మూవీలో సమంత హీరోయిన్. ఈ మూవీకి సంబంధించి తెలుగు రైట్స్ ను సమంత చేతికి వచ్చాయని... కోలీవుడ్ కోడై కూస్తోంది. విక్రమ్ కుమార్ దర్శకత్వం వహించిన ఈ మూవీపై మంచి అంచనాలే ఉన్నాయి. తెలుగులోనూ సూర్య చిత్రాలకు మంచి కలెక్షన్స్ వస్తుంటాయి. దీంతో ధైర్యం చేసి ఈరైట్స్ సమంత చేజిక్కించుకుందని అంటున్నారు.

అయితే గతంలో ఈ సినిమా రైట్స్‌ నితిన్‌ తీసుకున్నాడని అధికారికంగానే చెప్పారు. మరి అతని దగ్గర నుండి సమంత కొనుక్కుందా? లేక ఏమన్నా కొత్త డీల్ జరిగిందా అన్న విషయం తెలియాల్సి ఉంది. చాలామంది హీరోయిన్స్ కి సైడ్ బిజినెస్ లు చాలానే ఉన్నాయి కానీ.. సినిమా రంగంలో సంపాదించిన సొమ్ముతో.. ఇక్కడే బిజినెస్ చేయాలని చూస్తున్న టాప్ హీరోయిన్ మాత్రం సమంత ఒక్కతే.