యంగ్‌ హీరోతో కలిసి సమంత ఆ ట్రైనింగ్‌..!

తెలుగు లో యశోద మరియు శాకుంతలం సినిమాలను పూర్తి చేసిన సమంత బాలీవుడ్‌ లో బ్యాక్ టు బ్యాక్ ప్రాజెక్ట్‌ లతో బిజీ అవ్వబోతుంది. అక్కడ సినిమాలతో పాటు వెబ్‌ సిరీస్ కు కూడా సమంత ఓకే చెప్పింది. ఇప్పటికే రాజ్ అండ్‌ డీకే ల దర్శకత్వంలో వరుణ్‌ దావన్ తో కలిసి ఒక భారీ వెబ్‌ సిరీస్ లో నటించబోతున్నట్లుగా సామ్‌ నుండి అధికారికంగానే ప్రకటన వచ్చిన విషయం తెల్సిందే.

ది ఫ్యామిలీ మ్యాన్‌ వెబ్‌ సిరీస్‌ ను మించి ఒక భారీ వెబ్‌ సిరీస్ ను ఈ దర్శక ద్వయం ప్లాన్ చేస్తున్నారట. హాలీవుడ్‌ వెబ్‌ సిరీస్ కు ఇది రీమేక్‌ అన్నట్లుగా వార్తలు వస్తున్నాయి.

భారీ యాక్షన్‌ సన్నివేశాలతో పాటు చాలా రిస్కీ షాట్స్ ఈ వెబ్‌ సిరీస్‌ లో ఉండబోతున్నాయట. ఆ యాక్షన్‌ సన్నివేశాల కోసం అన్నట్లుగా వరుణ్‌ దావన్‌ మరియు సమంత లు ట్రైనింగ్ తీసుకోబోతున్నారట.

ఒక హాలీవుడ్‌ స్టంట్స్ మాస్టర్ ఆధ్వర్యంలో వీరు ట్రైనింగ్‌ అవుతున్నారట. ఆగస్టు మూడవ వారం వరకు వీరికి ట్రైనింగ్‌ నడుస్తుందని తెలుస్తోంది. అతి త్వరలోనే షూటింగ్‌ ను ప్రారంభించి వచ్చే ఏడాది ద్వి తీయార్థం లో వెబ్‌ సిరీస్ ను ప్రేక్షకుల ముందుకు తీసుకు వచ్చేందుకు గాను ఏర్పాట్లు చేస్తున్నట్లుగా బాలీవుడ్‌ వర్గాల ద్వారా సమాచారం అందుతోంది.

సమంత ది ఫ్యామిలీ మ్యాన్ వెబ్‌ సిరీస్ కోసం చాలా కష్టపడింది. బోల్డ్‌ గా నటించడం మాత్రమే కాకుండా చాలా కఠినమైన యాక్షన్‌ సన్నివేశాల్లో కూడా నటించింది. ఇప్పుడు అంతకు మించిన యాక్షన్‌ ను చూపించేందుకు గాను హీరో వరుణ్‌ దావన్ తో కలిసి ఆ ట్రైనింగ్‌ లో పాల్గొంటుందట.

సమంత సుకుమారి మాత్రమే కాకుండా చాలా కఠినమైన వర్కౌట్స్ ఈజీగా చేస్తుందనే విషయం తెల్సిందే. ఆమె ఇన్‌ స్టాగ్రామ్‌ లో పలు సార్లు ఆ విషయాన్ని చెప్పకనే చెప్పింది. సమంత సౌత్‌ ప్రాజెక్ట్‌ లు కూడా మరి కొన్ని చర్చల దశలో ఉన్నాయి.