మిసెస్ సమంతా టర్న్ ఎటు వైపు?

పెళ్లయ్యాక హీరోయిన్ల జోరు తగ్గుతుంది అనే ట్రెండ్ కు భిన్నంగా దూసుకుపోతున్న సమంతా 13న విడుదల కానున్న యుటర్న్ మీద చాలా ఆశలు పెట్టుకుంది. హీరోయిన్ ఓరియెంటెడ్ మూవీ ప్లస్ మంచి మెసేజ్ మిక్స్ చేసిన థ్రిల్లర్ కావడంతో తనకు ఇది మంచి బ్రేక్ అవుతుందని చెబుతోంది. సాధారణంగా ఏ హీరోయిన్ అయినా వివాహం చేసుకున్నాక హీరో పక్కన ఆడిపాడే గ్లామర్ రోల్స్ ఎక్కువ చేయలేరు. ప్రేక్షకులు సైతం ఒప్పుకోరు. సామ్ ఈ ఏడాది చేసిన వాటిలో రంగస్థలం మహానటి అభిమన్యుడు ఏది కూడా గ్లామర్ షో చేయకుండానే హిట్ కొట్టిన సినిమాలు.అందులో స్టార్ హీరోలు ఉన్నారు కాబట్టి తను అదనంగా ప్లస్ అయ్యింది కానీ యుటర్న్ భారం మొత్తం సామ్ మీదే ఉంది. సో ఇది హిట్ అయితే కనక కొంత కాలం హీరోయిన్ ఓరియెంటెడ్ మూవీస్ చేసుకోవచ్చు. కాకపోతే అది యుటర్న్ సక్సెస్ అవ్వడం మీద ఆధారపడి ఉంటుంది. హిట్ అయ్యిందా అలాంటి అవకాశాలు క్యూ కడతాయి.

యుటర్న్ బిజినెస్ సమంతా క్రేజ్ మీదే జరిగింది. మరోవైపు తమిళ్ లో తనతో తనే పోటీ పడుతోంది సామ్. శివ కార్తికేయన్ తో మొదటిసారి కలిసి నటించిన సీమ రాజా విడుదల కూడా 13నే ఉంది. మనకు హీరో పెద్దగా పరిచయం లేని వాడు కావడంతో ఇక్కడ డబ్ చేయలేదు. దాని మీద అక్కడ భారీ అంచనాలు ఉన్నాయి. అందులో సీనియర్ హీరోయిన్ సిమ్రాన్ విలన్ గా నటించగా కీర్తి సురేష్ ఒక పాటలో క్యామియో ఇచ్చింది. ఇది కాకుండా విజయ్ సేతుపతితో చేసిన సినిమా సెట్స్ మీద ఉంది. ప్రస్తుతానికి యుటర్న్ తర్వాత శివ నిర్వాణ దర్శకత్వంలో నాగ చైతన్యతో ఓ సినిమా ఒప్పుకున్న సమంతా మరికొన్ని ప్రాజెక్ట్స్ హోల్డ్ లో పెట్టిందని టాక్. యు టర్న్ ఫలితం తర్వాత ఎటువైపు టర్న్ తీసుకుంటుందో చూడాలి. పెళ్లి చేసుకున్నాక మార్కెట్ లో ఏ మార్పు లేని హీరోయిన్ ఈమధ్య కాలంలో సమంతా ఒక్కటే అని చెప్పొచ్చు.