ఘట్టమనేని సితార.. స్టార్‌ హీరోయిన్‌

ఇప్పటివరకు మన తెలుగు స్టార్ల ఫ్యామిలీల నుండి హీరోయిన్లు అయినవారు తక్కువ. అప్పట్లో సూపర్ స్టార్‌ కృష్ణ కూతురు మంజుల హీరోయిన్‌ గా ఎంట్రీ ఇవ్వడానికి ప్రయత్నించి.. ఏకంగా బాలయ్య బాబుతో ఓ సినిమా షూటింగ్‌ కూడా మొదలెట్టేశారు. కాని మధ్యలో ఫ్యాన్స్ అడ్డుకొని ఆమె హరోయిన్‌ గా కొనసాగితే ప్రత్యర్దులు తమపై జోకులు వేసే ఛాన్సుందని నానా బీభత్సం చేయడంతో.. కృష్ణ ఆమెకు సర్ది చెప్పి మాన్పించేశారు. లేకపోతే మహేష్‌ అక్కయ్య కూడా హీరోయిన్‌ గా ఇరగదీసుండేదే.

ఇప్పుడిక కాలం మారింది. మోహన్‌ బాబు కుమార్తె ఒక మోస్తరు హీరోయిన్‌ గా వస్తే.. మెగా డాటర్‌ కొణిదెల నిహారిక కూడా కొన్ని పరిమితులతో కూడిన హీరోయిన్‌ అయిపోయింది. కాని మరీ సోనమ్‌ కపూర్‌ రేంజులో మన దగ్గర ఏ హీరో కూతురూ లేదులేండి. అయితే ఫ్యూచర్‌ లో మాత్రం.. మహేష్‌ బాబు డాటర్‌ సితార మాత్రం.. మాంచి హీరోయిన్‌ అవుతుంది అని చెబుతోంది సమంత. ''మహేష్ ఈ విషయం చెబితే చంపేస్తాడు అయినా పరావాలేదు.. సితార - నేను మంచి ఫ్రెండ్స్ అయిపోయాం. తను డ్యాన్స్ - నవ్వు అన్నీ చూస్తుంటే గౌతమ్ కంటే సితార పెద్ద సూపర్ స్టార్ అవుతుందని నా నమ్మకం'' అంటూ చెప్పుకొచ్చింది.

గతంలో ఇదే విషయం మహేష్‌ బాబును అడిగితే.. మా అమ్మాయి మాంచి సైంటిస్ట్‌ అయితే చూడాలనుంది అన్నాడు. చూద్దాం మరి.. ఘట్టమనేని సితార హీరోయిన్‌ అవుతుందో లేదో.. కనీసం ఓ 20 ఏళ్లు ఆగాల్సిందేలే.