మూగ నేస్తాల‌తోనే సామ్ కి సాంత్వ‌న‌...!

మూగ‌జీవాల‌తో స‌మంత‌ అటాచ్ మెంట్ అంతా ఇంతా కాదు. ఇన్ స్టా గ్రామ్ వేదిక‌గా పెట్ డాగ్స్ తో సామ్ ఆటపాట‌ల వీడియోలు ఫోటోలు నిరంత‌రం వైర‌ల్ అవుతూనే ఉన్నాయి. త‌న ఇంటి వ‌ద్ద ఉన్న పెట్ డాగ్స్ లో హాష్ తో అనుబంధం ఎంతో గొప్ప‌ది. హాష్ తో పాటు మ‌రో కొత్త మెంబ‌ర్ త‌న ఇంటికి వ‌చ్చింది. ఈ డాగ్ పేరు సాషా.. ఇప్పుడు ఈ రెండు క్యూట్ డాగ్స్ తో స‌మంత ఖాళీ స‌మ‌యాన్ని టైమ్ పాస్ చేస్తోంది. చిన్నారు(ప‌ప్పీ)ల‌ ఆల‌నాపాల‌న‌తోనే స‌మ‌యం గ‌డిచిపోతోందిట‌.

పెట్స్ పాల‌న అంత సులువేం కాదు. వాటికి బోలెడ‌న్ని సౌక‌ర్యాలు క‌ల్పించాలి. ఇంట్లో ప‌ని మ‌నుషులు లేని స‌మ‌యంలో అన్ని ప‌నులు స్వ‌యంగా చేయాల్సిందే. సాషా కార‌ణంగా స‌మంత‌కు ప‌ని ఒత్తిడి ఎక్కువ అవుతోంద‌ట‌. ఉయయం నుంచి తొమ్మిది గంట‌ల లోపు సాషా 19 సార్లు మూత్ర విస్జ‌న్ చేసిందిట‌. అదంతా శుభ్ర‌ప‌ర‌చ‌డానికి...ఇల్లు అంతా క్లీన్ చేసుకోవ‌డానికే స‌మంత‌కు స‌మ‌యం స‌రిపోతుంద‌ని తెలిపింది. క‌నీసం క‌ప్ కాఫీ తాగే టైమ్ కూడా సాషా ఇవ్వ‌లేద‌ట‌. ``హాష్ అండ్ సాషా..బ్ర‌ద‌ర్ అండ్ సిస్ట‌ర్.. ఇట్స్ గోయింగ్ టూ బీ పార్టీ` అనేహ్యాష్ ట్యాగ్ ల‌ను జోడించింది. మొత్తానికి ఆ రెండు కుక్క‌లు అన్నా చెల్లెళ్లు అని సామ్ వెల్లడించింది. ఆ ఫోటోల్ని ఇన్ స్టాలో షేర్ చేయ‌గా వైర‌ల్ గా మారాయి.

వాటిని చూసిన బాలీవుడ్ పాప్ సింగ‌ర్ సోఫీ చౌంద‌రీ `ఓం` అనే సింబ‌ల్ ని షేర్ చేశారు. అలాగే తుఫాన్ వ‌చ్చే ముందు ఎంత ప్ర‌శాంతంగా ఉంటుందో అంతే ప్ర‌శాంత‌త నీలో క‌నిపిస్తోంద‌ని సోఫీ కామెంట్ చేసింది. ఉర్విశీ రౌతేల హార్ట్ ఎమోజీల‌ను పోస్ట్ చేసారు. ఆమె ఎంతో గొప్ప త‌ల్లి అని క్యాప్ష‌న్ ఇచ్చింది. ఒక‌రిని క‌లిసే ముందు వారు పెట్స్ ని ఎలా చూస్తారో ప‌రిశీలించాల‌ని కూడా వారు సజెస్ట్ చేయ‌డం ఆస‌క్తిక‌రం. ఇటీవ‌ల సామ్ -చై మ‌ధ్య అభిప్రాయ భేధాల‌పై క‌థ‌నాలొస్తున్న వేళ ఇలాంటి ఫోటోల‌ను షేర్ చేయ‌డంపైనా అభిమానుల్లో చ‌ర్చ సాగుతోంది.

ఇక కెరీర్ మ్యాట‌ర్ కి వ‌స్తే.. స‌మంత ఇటీవ‌లే గుణ‌శేఖ‌ర్ ద‌ర్శ‌క‌త్వంలో తెర‌కెక్కుతున్న `శాకుంత‌లం` షూటింగ్ ని పూర్తి చేసిన సంగ‌తి తెలిసిందే. అనంత‌రం స్నేహితుల‌తో క‌లిసి రిలాక్స్ అవ్వ‌డం కోసం గోవా వెళ్లింది. ప్ర‌స్తుతం ఇంట్లో కుటుంబ స‌భ్యుల‌తోనే స‌మ‌యాన్ని గ‌డుపుతోంది.