డబ్బులు లేక ఒక్క పూట భోజనం చేసిన సమంత

టాలీవుడ్‌.. కోలీవుడ్ మాత్రమే కాకుండా బాలీవుడ్‌ ప్రేక్షకులకు కూడా సమంత పేరు ఇప్పుడు సుపరిచితం. కానీ హీరోయిన్ గా సమంత ఎంట్రీ ఇవ్వక ముందు అత్యంత గడ్డు పరిస్థితులను ఎదుర్కొందట. పుష్కర కాలం క్రితం సమంత చిన్న చిన్న మొత్తం కోసం మోడలింగ్ చేసేదట. ఆ విషయాన్ని స్వయంగా సమంత చెప్పుకొచ్చింది. హీరోయిన్ గా అవకాశాలు రాకముందు పెద్ద పెద్ద ఫంక్షన్స్ కు హాజరు అయ్యే గెస్ట్‌ లకు వెల్‌ కమ్‌ చెప్పే అమ్మాయిగా రోజు వారి పారితోషికం 500 రూపాయల కోసం వెళ్ళేదట. ఒకానొక సమయంలో డబ్బులు లేక రోజులో ఒక్క పూట భోజనంతో జీవితంను గడిపిందట. కేవలం ఒక్క పూట భోజనంతో దాదాపు రెండు నెలల పాటు గడిపినట్టుగా సమంత ఒక ఇంటర్వ్యూలో చెప్పుకొచ్చింది. డబ్బులు లేక తిండి తినక పోవడమే కాకుండా డిగ్రీని కూడా మద్యలో వదిలేయాల్సి వచ్చిందని ఆమద్య ఎమోషనల్‌ గా సమంత చెప్పింది.

తన తల్లిదండ్రులు చదువు చదువు అంటూ ఎక్కువ నన్ను చదువుపై దృష్టి పెట్టేలా చేశారు. వారి కోరిక మేరకు నేను చదివి టాపర్ గా నిలిచే దాన్ని. కాని డబ్బులు లేని సమయంలో డిగ్రీలో జాయిన్‌ అవ్వలేక చదువు ను వదిలేశాను అంటూ సమంత చెప్పుకొచ్చింది. ఉన్నత చదువు చదువుకోవాలనే డ్రీమ్‌ ఉన్న నేను డబ్బులు లేకపోవడంతో ఆ సమయంలో నా డ్రీమ్‌ ను వదిలేసుకోవాల్సి వచ్చింది. మోడలింగ్ వైపు వెళ్తున్న సమయంలో మొదట్లో కొందరు తనను కొందరు విమర్శించారు. కుటుంబంలో కొందరు అవసరమా అన్నట్లు వెనక్కి లాగే ప్రయత్నం చేశారు. కాని నా తల్లిదండ్రుల ప్రోత్సాహంతో నేను ముందడుగు వేశాను. నా కొత్త కలలు కంటూ జీవితంలో ముందుకు వచ్చాను అంటూ ఎంతో మంది అభిమానులకు సమంత ఆదర్శంగా నిలిచేలా తన కష్టాలను ఏకరువు పెట్టింది.

జీవితంలో కష్టపడితే తర్వాత సుఖం ఖచ్చితంగా ఉంటుంది. ఆ సుఖం అద్బుతమైన ఆనందాన్ని ఇస్తుందని పెద్దలు అంటారు. సమంత సినిమాల్లోకి రాక ముందు ఎంతగా కష్టపడిందో ఇప్పుడు అంతటి సుఖంను స్టార్‌ డమ్‌ ను అనుభవిస్తుంది. ఆమె ఒక గొప్ప నటిగా మారేందుకు ఇంకా కష్టపడుతూనే ఉంది.. అందుకు ఆమె కు ఇంకా ఇంకా ప్రతిఫలం సంతోషం దక్కుతూనే ఉంది. ప్రస్తుతం సమంత తెలుగు.. తమిళం.. హిందీ భాషల్లోనే కాకుండా ఇంగ్లీష్ లో కూడా నటిస్తుంది అంటే ఆమె యొక్క సక్సెస్ అనడంలో సందేహం లేదు. ఇక సమంత నటించిన శాకుంతలం సినిమా విడుదలకు సిద్దం అవుతోంది. త్వరలోనే శాకుంతలం నుండి ఫస్ట్‌ లుక్ రాబోతుంది.

మరో వైపు తమిళంలో ఈమె విఘ్నేష్ శివన్ దర్శకత్వంలో నటించిన సినిమా కూడా విడుదల కాబోతుంది. హిందీలో రెండు సినిమాలకు సమంత కమిట్‌ అయ్యిందనే వార్తలు వస్తున్నాయి. వెబ్‌ సిరీస్ లపై కూడా ఆసక్తిగా ఉంది. యశోద అనే ఒక పాన్ ఇండియా సినిమాలో సమంత నటిస్తుంది. ఈ ఏడాది చివరి వరకు యశోద సినిమా ప్రేక్షకుల ముందుకు వచ్చే అవకాశం ఉంది. నాగ చైతన్య నుండి విడాకులు తీసుకున్న తర్వాత సమంత సినిమాల ఎంపిక విషయంలో జోరు.. జోష్‌ కనిపిస్తుంది. రాబోయే రెండేళ్లలో సమంత నుండి అయిదు ఆరు సినిమాలు మరియు రెండు వెబ్‌ సిరీస్ లు వచ్చే అవకాశాలు ఉన్నాయి.