యశోద యాక్షన్‌ చాలా స్పెషల్‌

సమంత అభిమానులతో పాటు ప్రతి ఒక్కరు కూడా ఎంతో ఆసక్తిగా ఎదురు చూస్తున్న చిత్రం 'యశోద'. ఈ సినిమాకు సంబంధించిన చిత్రీకరణ పూర్తి అయ్యి విడుదలకు సిద్ధంగా ఉంది. ఇప్పటికే విడుదల అవ్వాల్సి ఉన్నా కూడా గ్రాఫిక్స్ వర్క్ ఆలస్యం అయిన కారణంగా విడుదల తేదీని వాయిదా వేయడం జరిగింది.

తాజాగా కొత్త విడుదల తేదీని ప్రకటించడంతో సామ్‌ అభిమానులు ఆనందం వ్యక్తం చేస్తున్నారు. నవంబర్‌ 11వ తారీకున విడుదలకు సిద్ధం అవ్వబోతున్నట్లుగా మేకర్స్ ప్రకటించడంతో పాటు మెల్ల మెల్లగా ప్రమోషన్ కార్యక్రమాలను నిర్వహించేందుకు ఏర్పాట్లు జరుగుతున్నాయి.

కేవలం తెలుగు లో మాత్రమే ఈ సినిమా విడుదల కావడం లేదు. సౌత్‌ లో అన్ని భాషలు మరియు హిందీలో కూడా విడుదల అవ్వబోతున్న నేపథ్యంలో కాస్త ముందుగానే ప్రమోషన్ కార్యక్రమాలు షురూ చేయబోతున్నారు. ఇక ఈ సినిమాలోని యాక్షన్ సన్నివేశాల గురించి చాలా ప్రత్యేకంగా చెప్పుకుంటారంటూ యూనిట్‌ సభ్యులు నమ్మకంగా ఉన్నారు.

సినిమా విడుదల అయిన తర్వాత సమంత నటన మరియు యాక్షన్‌ సీన్స్ గురించి మాట్లాడుకునే విధంగా ఉంటాయని అంటున్నారు. దేశ వ్యాప్తంగా మంచి పాపులారిటీని దక్కించుకునే సినిమా గా యశోద ఉంటుందని అంటున్నారు.

ఈ సినిమా కోసం హాలీవుడ్‌ సినిమాలకు వర్క్ చేసిన ప్రముఖ యాక్షన్ కొరియోగ్రఫర్ యానిక్ బెన్ వద్ద ట్రైనింగ్‌ ను తీసుకుంది.

గతంలో ది ఫ్యామిలీ మ్యాన్‌ సీజన్ 2 కోసం కూడా యానిక్ బెన్ వద్దనే సమంత యాక్షన్ కొరియోగ్రఫీకి సంబంధించిన మెలకువలు తీసుకోవడం జరిగిందట. కనుక ఈసారి యశోద సినిమాలో చాలా విభిన్నంగా యాక్షన్‌ సన్నివేశాలు ఉండి అందరితో ప్రశంసలు దక్కించుకుంటుందని యూనిట్‌ సభ్యులు పేర్కొన్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.