ఎన్టీఆర్‌ హీరోయిన్‌ తల్లయింది

తెలుగులో చెప్పుకోవడానికి ఒక్క హిట్టూ లేకపోవచ్చు. కానీ సమీరా రెడ్డిని అంత సులభంగా మరిచిపోలేం. తెలుగులో చేసింది మూడు సినిమాలే కానీ.. మూడూ కూడా భారీ సినిమాలే. 'జై చిరంజీవ'లో చిరంజీవితో.. నరసింహుడు, అశోక్‌ సినిమాల్లో ఎన్టీఆర్‌ పక్కన నటించిన సమీరా.. డ్యాన్స్‌లో తిరుగులేని ఆ ఇద్దరు స్టార్‌ హీరోలకు దీటుగా స్టెప్పులేసి కేక పుట్టించింది. బాలీవుడ్‌లో దశాబ్ద కాలం పాటు హీరోయిన్‌గా రాణించిన సమీరా.. గత ఏడాది జనవరిలో ఉన్నట్లుండి పెళ్లి చేసుకుని సినిమాలకు గుడ్‌బై చెప్పేసిన సంగతి తెలిసిందే.

అక్షయ్‌ వార్దె అనే వ్యాపారవేత్తను పెళ్లాడిన సమీరా.. ఈ సోమవారం తల్లి కూడా అయింది. ముంబయిలోని ఓ పెద్ద హాస్పిటల్‌లో పండంటి మగబిడ్డకు జన్మనిచ్చింది సమీరా. పెళ్లి విషయంలో ఎంత గోప్యంగా ఉందో.. తాను తల్లి అయిన విషయం గురించి కూడా అంతే గోప్యత పాటించింది సమీరా. ఆమె ప్రెగ్నెంట్‌ అన్న విషయం బాలీవుడ్‌ జనాలకు తెలియదు. ప్రెగ్నెంట్‌ అయ్యాక బయటెక్కడా కనిపించలేదామె. ఇప్పుడు సడెన్‌గా బిడ్డకు జన్మనిచ్చి వార్తల్లో నిలిచింది. ఈ సందర్భంగా సమీరాకు, అక్షయ్‌లకు కంగ్రాట్స్‌.