సంపూ.. జనాలు ఎంజాయ్‌ చేస్తారా??

యముడు అనే పేరు చెబితే.. ఈ రోజుల్లో చాలామంది తెలుగు ప్రేక్షకులకు ఖచ్చితంగా యమలోకంలో ఉండే యముడో.. లేకపోతే యమలీల సినిమాలోని కైకలా సత్యనారాయణో, మోహన్‌బాబో గుర్తుకురారు.. ఎందుకంటే మనోళ్ళకు యముడంటే హీరో సూర్య.. హీరో సూర్య అంటే యముడు. 'సింగం' సినిమా తెలుగులో 'యముడు'గా డబ్బింగ్‌ అయ్యి, ఏకంగా తెలుగు డైరక్ట్‌ సినిమాలు కూడా ఆడని రేంజులో అనేక కేంద్రాల్లో 50 రోజులు ఆడిందంటే చూసుకోండి.

ఇకపోతే అలాంటి యముడు, యముడు 2 సినిమాల మీద ఇప్పుడు స్ఫూఫ్‌ అంటూ అల్లరి నరేష్‌ టైపులో రెడీ అయిపోయాడు సంపూర్ణేష్‌ బాబు. మనోడు నరేష్‌ రేంజ్‌ యాక్టర్‌ కాకపోయినా, తన విచిత్ర గెటప్పులూ విచిత్రమైన భంగిమలతో ఇంటర్నెట్‌లో ఫ్యాన్స్‌ను సంపాదించాడు. ఇప్పుడు ''సింగం 123'' పేరుతో మంచు విష్ణు తీస్తున్న స్పూఫ్‌ సింగంతో వచ్చేస్తున్నాడు. ఒకవేళ మనోడు పోకిరి 123 అనో, విక్రమార్కుడు 123 అనో.. లేకపోతే గబ్బర్‌ సింగ్‌ 123 అనో పేరు పెట్టుకొని వస్తే ఖచ్చితంగా ఇక్కడ ఫ్యాన్స్‌ చుక్కలు చూపించేవారు. అందుకే సేఫ్‌గా సూర్యను టార్గెట్‌ చేస్తున్నట్లుందీ యవ్వారం. కాని జనాల గుండెల్లో ఒక స్టార్‌ హీరోగా ముద్రేసుకున్న యముడు పైన జోక్స్‌ పేలిస్తే, ఎవరన్నా చూసి ఎంజాయ్‌ చేస్తారా? డైరెక్టు కామెడీ చేసుకోక, ఎన్నాళ్ళని ఈ స్ఫూఫ్‌ తిప్పలు బాబూ నీకు?