బిగ్ బాస్ లో శృతిమించుతోన్న మ‌సాలా!

బిగ్ బాస్ -2....ఏమైనా జ‌ర‌గొచ్చు....ఈసారి ఇంకొంచెం మ‌సాలా అంటూ నాని ఈ సీజ‌న్ ను స్టార్ట్ చేశాడు. అయితే, షో ప్రారంభంలో పెద్ద‌గా మ‌సాలా ఉన్న‌ట్లు క‌న‌బ‌డ‌క‌లేదు. అయితే, అనూహ్య‌మైన ట్విస్ట్ ల‌తో శ్యామ‌ల‌ - నూత‌న్ ల రీఎంట్రీ...వంటివి జ‌ర‌గ‌డంతో నాని డైలాగ్స్ కి కొద్ది వ‌ర‌కు జ‌స్టిఫికేష‌న్ జ‌రిగింది. అయితే, షో చివ‌ర్లో ఘాటుగా మ‌సాలా ద‌ట్టించాల‌న్న ఉద్దేశంతో బిగ్ బాస్....హౌస్ మేట్స్ కు అడ్డ‌మైన టాస్క్ లు ఇస్తున్నాడు. ఇక‌, బుధ‌వారం నాడు జ‌రిగిన టాస్క్ లో భాగంగా సింగ‌ర్ గీతామాధురి నుదుటిపై ....రోల్ రైడా ముద్దుపెట్టుకోవ‌డం తీవ్ర చ‌ర్చ‌నీయాంశ‌మైంది. అయితే, టాస్క్ ఇవ్వ‌క‌పోయినా....సామ్రాట్ అత్యుత్సాహంతో గీతామాధురి బుగ్గ‌పై ముద్దుపెట్టుకోవ‌డం....వివాదాస్ప‌ద‌మైంది. ప్ర‌స్తుతం ఈ టాస్క్ పై సోష‌ల్ మీడియాలో తీవ్ర స్థాయిలో విమ‌ర్శ‌లు వ‌స్తున్నాయి.

ఈ సీజ‌న్ ముగింపున‌కు వ‌స్తోన్న నేప‌థ్యంలో హౌజ్ మేట్స్ ఒక‌రితో ఒక‌రు గొడ‌వ‌లు ప‌డ‌డం ఆపేశారు. దీంతో, ఏదో ఒకలా షోకు హైప్ తీసుకువ‌చ్చేందుకు బిగ్ బాస్ నానా తంటాలు ప‌డుతున్న‌ట్లు క‌నిపిస్తోంది. అందుకే, ఇంకొంచెం మ‌సాలా....అని ముందే చెప్పిన‌ట్లు ....బుధ‌వారం షోలో మ‌సాలా డోస్ పెంచాడు బిగ్ బాస్. ఓ టాస్క్ లో భాగంగా గీతాను రోల్ రైడా ముద్దు పెట్టుకున్నాడు. స‌రే ఇది టాస్క్ అనుకుంటే....టాస్క్ కు సంబంధం లేని సామ్రాట్ కూడా గీతాను ముద్దుపెట్టుకున్నాడు. అస‌లే ఈ ముద్దుల ఎపిసోడ్ తో ప్రేక్ష‌కులు ఇబ్బందిప‌డుతుంటే సామ్రాట్ ముద్దు బోన‌స్.అయితే, సామ్రాట్ ముద్దు పెట్ట‌డంపై గీతా మాధురి అభ్యంత‌రం వ్య‌క్తం చేయ‌క‌పోవ‌డంపై కూడా నెటిజ‌న్లు కామెంట్స్ పెడుతున్నారు.పెళ్లైనా గీతా మాధురికి ముద్దుల టాస్క్ ఏమిటంటూ మండిప‌డుతున్నారు. అంత‌కుముందు నుంచే వీరిపై సోష‌ల్ మీడియాలో ట్రోలింగ్ జ‌రుగుతోంది. ఏది ఏమైనా....షోకు రేటింగ్స్ కోసం మ‌సాలా పెంచ‌డంపై ప‌లువురు నెటిజ‌న్లు అభ్యంత‌రం వ్య‌క్తం చేస్తున్నారు.