#RRR: చరణ్ బాబాయ్ ఫిక్స్!

ఎస్ఎస్ రాజమౌళి దర్శకత్వంలో తెరకెక్కుతున్న #RRR ఈమధ్యే మొదటి షెడ్యూల్ పూర్తి చేసుకుంది. అయినా ఈ సినిమాలో చరణ్.. తారక్ లు తప్ప మిగతా నటీనటుల వివరాలేమీ రాజమౌళి వెల్లడించలేదు. ఈ ప్రాజెక్టుకు సంబంధించిన క్యాస్టింగ్ భాద్యత ను ముంబైకి చెందిన ఒక క్యాస్టింగ్ ఏజెన్సీకి అప్పజెప్పినట్టుగా మాత్రం వార్తలు వచ్చాయి. ఇదిలా ఉంటే తాజాగా ఈ సినిమాలో ఒక కీలకపాత్రకు సంబంధించిన వివరాలు బయటకు వచ్చాయి.

ఈ సినిమాలో చరణ్ కు బాబాయిగా నటించే పాత్రకు తమిళ దర్శకుడు కమ్ నటుడు సముద్రఖని(సముత్తిరకని అనే పేరు ఆయనదే) ని ఫైనలైజ్ చేశారట. పలు హిట్ చిత్రాలను డైరెక్ట్ చేసిన అయన మంచి నటుడిగా కూడా గుర్తింపు సంపాదించుకున్నాడు. విశాల్.. ధనుష్.. కార్తి సినిమాల్లోకూడా నటించడంతో డబ్బింగ్ సినిమాల ద్వారా అయన తెలుగు ప్రేక్షకులకూ పరిచయమే. మరి ఈ సముద్రఖని పాత్ర ఎలా ఉంటుంది.. ఎంత నిడివి గల పాత్ర.. మెగా అబ్బాయ్.. తమిళ బాబాయ్ మధ్య ఎలాంటి సీన్లు ఉంటాయనే విషయాలు మాత్రం అసలు బయటకు రాలేదు.

'బాహుబలి' టైపు లోనే రాజమౌళి ఈ సినిమాకు కూడా తెలుగుతో పాటుగా ఇతర భాషా నటులను కూడా తీసుకొని ప్యాన్ ఇండియా అప్పీల్ ఉండేలా చూస్తున్నాడు. ఇక #RRR సెకండ్ షెడ్యూల్ సంక్రాంతి పండగ తర్వాత మొదలు పెడతారని సమాచారం.