ఆ హీరోయిన్సే కావాలన్న యువ హీరో

చిన్న తనం నుంచే నటనలో మెళకువలు నేర్చుకున్న హీరో నిఖిల్ హ్యాపీ డేస్ చిత్రంతో ఎంతగా పాపులర్ అయ్యాడో ప్రత్యేకంగా చెప్పనక్కర్లేదు. అయితే ఆ తర్వాత విజయాలు లేక కొంచెం సతమత మయిన ఈ కుర్ర హీరో స్వామి రారా నుంచి విజయాలను అందుకుంటున్నాడు. రీసెంట్ గా కేశవా సినిమాతో మంచి హిట్ అందుకున్న నిఖిల్ ఇప్పుడు ఓ కొత్త తరహా చిత్రంతో రాబోతున్నాడు.

కన్నడ లో సూపర్ హిట్ అయిన "కిరిక్ పార్టీ" ని తెలుగులో తీసుకువస్తున్నాడు ఈ యువ హీరో. కన్నడ లో ఈ సినిమా సెన్సేషన్ క్రియేట్ చేసింది. ఎంతగా అంటే 4 కోట్లతో నిర్మితమైన "కిరిక్ పార్టీ" ఏకంగా 50 కోట్లను కొల్లగొట్టిందని సమాచారం. క్యాంపస్ రొమాంటిక్ కామెడీగా తెరకెక్కే ఈ సినిమాని శరన్ కొప్పిశెట్టి అనే నూతన దర్శకుడు తెరకెక్కిస్తున్నాడు. నిఖిల్ సరసన కన్నడ వెర్షన్ లో నటించిన రష్మిక - సంయుక్త అనే ఇద్దరు హీరోయిన్లనే సెలెక్ట్ చేశారట. వారి పాత్రలే కథలో చాలా బలమైనవి కావడంతో వారిని మార్చాలని అనిపించలేదట. ఇక తెలుగు ప్రేక్షకుల అభిరుచికి తగ్గట్టుగా కథలో కొన్ని మార్పులు, చేర్పులు చేస్తున్నారట దర్శకులు సుధీర వర్మ, చందు మొండేటి.

రీసెంట్ గా జిమ్ బిజినెస్ మొదలు పెట్టిన నిఖిల్ ప్రస్తుతం పెళ్లి పనుల్లో బిజీగా ఉన్నాడు. వివాహం అయిన వెంటనే ఆ సినిమా రెగ్యులర్ షూటింగ్ ను స్టార్ట్ చేయనున్నాడని తెలుస్తోంది. ఇక ఈ సినిమాను ఏకే ఎంటర్టైన్మెంట్స్ బ్యానర్లో అనిల్ సుంకర నిర్మిస్తున్నారు. మరి కన్నడలో అంత భారీ విజయాన్ని అందుకున్న ఆ సినిమా కథ ఈ యువహీరోకి ఏ స్థాయిలో హిట్ ఇస్తుందో చూడాలి.