కరోనా నేపథ్యంలో వెరైటీ పోస్టుతో వార్తల్లో నిలిచిన సనాఖాన్

టాలీవుడ్ లో కళ్యాణ్ రామ్ ‘కత్తి’ - మిస్టర్ నూకయ్య - గగనం సినిమాలలో హీరోయిన్‌ గా నటించింది సనా ఖాన్. ఆ సినిమాలలో తన అందం, అభినయం ఫర్వాలనిపించేలా ఉన్నా కూడా, అవకాశాలు మాత్రం తలుపుతట్టలేదు. దీంతో అమ్మడు తట్టాబుట్టా సర్దుకుని మళ్లీ హిందీ చిత్రపరిశ్రమకు వెళ్లిపోయింది. రియాలిటీ షో బిగ్ బాస్‌ లో కూడా అలరించింది. తెలుగులో సక్సెస్ కాలేకపోయిన ఈ ముంబై భామ - తన మకాంను బాలీవుడ్‌ కు షిఫ్ట్ చేసి అవకాశాలు వెతుక్కునే పనిలో పడింది. తన హాట్ హాట్ అందాల ప్రదర్శనతో కుర్రకారులో క్రేజ్ తెచ్చుకుంది. చేతిలో సినిమాలు లేక పోయినా సోషల్ మీడియా ద్వారా సనా ఫుల్ బిజీగా ఉంటూ వస్తుంది. ఫోటోలను పోస్ట్ చేయడంతో పాటు అప్పుడప్పుడు వెరైటీ పోస్టులు కూడా పెడుతూ ఉంటుంది. కరోనా నేపథ్యంలో 'అల్లా మనందరినీ రక్షిస్తాడు' అంటూ ఆమె పెట్టిన పోస్ట్ ఇప్పుడు ఆసక్తిని రేకెత్తిస్తోంది.

ఇంస్టాగ్రామ్ లో సనా ఖాన్ పెట్టిన ఈ పోస్ట్ ఇప్పుడు చర్చకు దారి తీసింది. 'డియర్ వరల్డ్ లాక్ డౌన్ ఎలా ఉంది' అంటూ కాశ్మీర్ పేరును - డియర్ వరల్డ్ ప్రయాణాల నిషేధం ఎలా ఉంది అంటూ పాలస్తీనా పేరును - డియర్ వరల్డ్ భయం ఎలా ఉంది అంటూ ఉరుగ్వే చైనా పేర్లను - డియర్ వరల్డ్ మీకు ఇష్టమైన వాళ్ళ నుండి దూరంగా ఉండటం ఎలా ఉంది అంటూ సిరియా దేశాల పేర్లను మెన్షన్ చేసింది. 'అల్లా మనందరినీ రక్షిస్తాడు' అంటూ కామెంట్ పెట్టి పోస్ట్ చేసింది. ఈ పోస్టుపై నెటిజన్లు రకరకాలుగా కామెంట్స్ పెడుతున్నారు. ఇప్పుడు ఈ పోస్ట్ సోషల్ మీడియాలో వైరల్ అయింది.