సందీప్ కిషన్ 'ఈస్ట్ కోస్ట్' మూవీ ప్రారంభం

డిఫరెంట్ జోనర్ లో మూవీస్ చేస్తూ.. తనకంటూ ప్రత్యేకమైన గుర్తింపు సంపాదించుకున్న యంగ్‌ హీరో సందీప్‌కిషన్. ఆయన హీరోగా నటిస్తున్న అప్ కమింగ్ మూవీ 'ఎ1 ఎక్స్‌ప్రెస్'. ఈ చిత్రం షూటింగ్ ఇటీవలే కంప్లీట్ అయ్యింది. స్పోర్ట్స్ బ్యాక్ డ్రాప్ లో తెరకెక్కుతున్న ఈ మూవీని డెన్నిస్ జీవ‌న్ డైరెక్ట్ చేస్తున్నారు. లావ‌ణ్య త్రిపాఠి హీరోయిన్‌ గా నటిస్తోంది. ఇప్పటికే రిలీజ్ అయిన ఈ చిత్రం ఫస్ట్ లుక్ కు మంచి రెస్పాన్స్ వచ్చింది.

అయితే.. తాజాగా మరో మూవీని లాంఛ్ చేశాడు సందీప్. ఈస్ట్‌ కోస్ట్‌ ప్రొడక్షన్‌ బ్యానర్‌పై మహేశ్‌ కోనేరు నిర్మిస్తున్న ఈ కొత్త సినిమా లాంఛనంగా ప్రారంభమైంది. ఈ చిత్రం ద్వారా వేదవ్యాస్ దర్శకుడిగా పరిచయం అవుతున్నారు. ముహూర్తపు సన్నివేశానికి ప్రముఖ రైటర్‌ కోన వెంకట్‌ క్లాప్‌కొట్టారు.

ఈ సందర్భంగా నిర్మాత మ‌హేశ్ కోనేరు మాట్లాడుతూ.. 'ఈ ఏడాది సంక్రాంతికి మా ఈస్ట్ కోస్ట్ ప్రొడ‌క్ష‌న్స్‌లో వ‌చ్చిన 'మాస్ట‌ర్‌'తో మ‌రో సూప‌ర్ డూప‌ర్ హిట్‌ను సొంతం చేసుకోవ‌డం ఆనందంగా ఉంది. అదే ఉత్సాహంతో ఈరోజు కొత్త సినిమాను స్టార్ట్ చేశాం. డిఫ‌రెంట్ మూవీస్ చేయ‌డానికి ప్రాధాన్య‌త ఇచ్చే సందీప్‌కిష‌న్‌తో మ‌రో డిఫ‌రెంట్ చిత్రాన్ని మా బ్యాన‌ర్‌లో రూపొందించబోతున్నాం.

'అన్నారు.ఫిబ్రవరి నుంచి రెగ్యులర్‌ షూటింగ్‌ ప్రారంభం అవుతుందని, యంగ్ మ్యూజిక్ డైరెక్ట‌ర్ శ్రీచ‌ర‌ణ్ పాకాల సంగీతం అందిస్తున్నారని నిర్మాత చెప్పారు. ఇతర నటీనటులు, సాంకేతిక నిపుణుల వివరాలను త్వరలోనే తెలియజేస్తామని అన్నారు.