సరికొత్త అవతారంలో సందీప్

సందీప్ కిషన్.. ఈ కుర్రాడిని చూస్తే చాలామందికి ఆశ్చర్యం. సడెన్‌గా ఇండస్ట్రీలోకి వచ్చాడు. గుంపులో గోవిందా పాత్రలు చేశాడు. ఉన్నట్లుండి హీరో అయిపోయాడు. ఓ మంచి హిట్టు కొట్టి టాలీవుడ్‌ బిజీ యంగ్ హీరోల్లో ఒకడైపోయాడు. రారా కృష్ణయ్యా, జోరు సినిమాలు ఫ్లాపైనప్పటికీ చోటా కె.నాయుడి మేనల్లుడి ఖాతాలో మూడు నాలుగు సినిమాలున్నాయి. సందీప్ కొత్త సినిమా ‘బీరువా’ వచ్చే శుక్రవారం ప్రేక్షకుల ముందు రాబోతోంది. ఉషాకిరణ్ మూవీస్, ఆనంది లాంటి రెండు పెద్ద సంస్థలు ఈ సినిమాను నిర్మించడం విశేషం.

ఈ సినిమా సందీప్‌ను డిస్ట్రిబ్యూటర్‌గానూ మార్చేసింది. ‘బీరువా’ గుంటూరు జిల్లా హక్కుల్ని తన ఫ్రెండుతో కలిసి సందీప్ సొంతం చేసుకున్నాడు. సినిమా మీద తనకెంతో కాన్ఫిడెన్సుందో చెప్పడానికే సందీప్ ఇలా చేస్తున్నాడా.. లేక సీరియస్‌గా డిస్ట్రిబ్యూషన్లోకి దిగుతున్నాడా అన్నది తెలియడం లేదు. ఈ మధ్య హీరోలు, టెక్నీషియన్లు ఏరియా హక్కుల్ని రెమ్యూనరేషన్ కింద తీసుకోవడం.. లేదంటే హక్కులు కొనుక్కుని సొంతంగా రిలీజ్ చేయడం టాలీవుడ్‌లో మామూలైపోయింది. మరి సందీప్ ఈ విషయంలో ఏమేరకు సక్సెస్ అవుతాడో చూడాలి.