కొడుక్కి అర్జున్ రెడ్డి అని పేరు పెట్టుకున్నాడట!

తెలుగులో మోడరన్ క్లాసిక్ గా పేరు తెచ్చుకున్న 'అర్జున్ రెడ్డి' చిత్రాన్ని హిందీలో 'కబీర్ సింగ్' టైటిల్ తో సందీప్ రెడ్డి వంగా రీమేక్ చేస్తున్న విషయం తెలిసిందే. షాహిద్ కపూర్.. కియారా అద్వాని ఈ సినిమాలో హీరో హీరోయిన్లుగా నటిస్తున్నారు. ఒరిజినల్ డైరెక్టర్ రీమేక్ కు కూడా దర్శకత్వం వహిస్తుండడంతో 'కబీర్ సింగ్' పై అంచనాలు భారీగానే ఉన్నాయి. ఈ సినిమా జూన్ 21 న రిలీజ్ కానుండడంతో ప్రమోషన్స్ తో బిజీగా ఉన్నారు.

ఈ సినిమా గురించి చెప్తూ మొదట హిందీ వెర్షన్ కు హీరోగా నిర్మాతలు అర్జున్ కపూర్ ను అనుకున్నారట. వారు అయనతో సంప్రదింపులు కూడా జరిపారని అయితే తను అప్పటికే షాహిద్ ను సంప్రదించానని తెలిపాడు. కబీర్ సింగ్ పాత్రలో షాహిద్ అద్భుతంగా నటించాడని కితాబిచ్చాడు. ఇక తెలుగు నుండి హిందీకి స్క్రిప్ట్ ను మార్చడం గురించి వివరిస్తూ హిందీలోకి స్క్రిప్ట్ ను మార్చడం కష్టం కాలేదని అన్నాడు. తెలంగాణా కల్చర్ లోనూ.. పంజాబీ కల్చర్ లోనూ కొన్ని కామన్ పాయింట్స్ ఉన్నాయని.. సంతోషం వస్తే పార్టీ చేసుకోవడం.. లౌడ్ గా ఉండే ఎక్స్ ప్రెషన్స్.. ఎమోషన్స్ కామన్ అని అభిప్రాయపడ్డాడు. కబీర్ సింగ్ పాత్ర ముంబైలో పుట్టి పెరిగిన ఒక పంజాబీ యువకుడిగా ఉంటుందని.. అతడు మెడిసిన్ చదవడానికి ఢిల్లీ వెళ్ళినట్టుగా చూపిస్తున్నామని తెలిపాడు.

ఇక తెలుగు వెర్షన్ 'అర్జున్ రెడ్డి' ప్లానింగ్ దశలో ఉన్నప్పుడు తనకు కొడుకు పుట్టాడని.. ఆ బాబుకు అర్జున్ రెడ్డి అని పేరు పెట్టుకున్నానని తెలిపాడు. దీన్ని బట్టి సందీప్ హృదయానికి ఆ పాత్ర ఎంత దగ్గరగా ఉంటుందో మనం అర్థం చేసుకోవచ్చు. మహేష్ బాబుతో సినిమా గురించి మాట్లాడుతూ మహేష్ కు కొంత కథను వినిపించానని తెలిపాడు. ఆ ప్రాజెక్టు సెట్ అయ్యేందుకు కొంత సమయం పడుతుందన్నట్టుగా మాట్లాడాడు.