అర్జున్ రెడ్డి దర్శకుడు పొగిడేశాడుగా

పెళ్లి చూపులు సినిమాతో మంచి విజయం అందుకున్న తరుణ్ భాస్కర్ దాస్యం ఈ సారి ఈ నగరానికి ఏమైంది అనే సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమా గురించి ప్రస్తుతం ఓ వర్గం నుంచి బావుందనే టాక్ కావస్తోంది. ఎవరికీ నచ్చినట్టు వారు భిన్నభిప్రయాలు వ్యక్తపరుస్తున్నారు. ఇకపోతే అందుకు సంబందించిన సెలబ్రెటీల టాక్స్ సోషల్ మీడియాలో వైరల్ అవుతున్నాయి.

అర్జున్ రెడ్డి దర్శకుడు సందీప్ రెడ్డి వంగ కూడా సినిమా గురించి తన స్టైల్ లో స్పందించారు. మెయిన్ గా దర్శకుడు తరుణ్ భాస్కర్ అద్భుతంగా సినిమాను తెరకెక్కించినట్లు పొగిడారు. ఆ విషయంలోకి వస్తే.. ఈ నగరానికి ఏమైంది సినిమాను చూశాను. అద్భుతమైన డైరెక్షన్ -స్మార్ట్ రైటింగ్ - గ్రేట్ పెర్ఫెమెన్స్ -క్యారెక్టర్స్ అన్ని అదిరిపోయాయి. ప్రొడక్షన్ డిజైన్ మరియు సినిమాటోగ్రఫీ బ్యూటిఫుల్ గా ఉన్నాయి. ఈ సినిమా ఫ్రెండ్స్ చూడాల్సిన మంచి సినిమా అని సందీప్ పేర్కొన్నాడు.

అంతే కాకుండా దర్శకుడు తరుణ్ భాస్కర్ గురించి స్పెషల్ గా వివరిస్తూ.. ఇలాంటి కథలను ఎంచుకోవడంలో తరుణ్ మరోసారి సక్సెస్ అయ్యాడు. పెళ్లి చూపులు స్థాయిలో సినిమా చేసి మంచి సక్సెస్ అందుకున్నాడు. ముఖ్యంగా కొన్ని సన్నివేశాలు తనకు చాలా నచ్చాయని సందీప్ వివరణ ఇచ్చాడు. ప్రస్తుతం ఈ దర్శకుడు బాలీవుడ్ లో అర్జున్ రెడ్డిని రీమేక్ చేస్తున్న సంగతి తెలిసిందే.