మ‌హేష్ తో మూవీపై సందీప్ వంగా క్లారిటీ

సూప‌ర్ స్టార్ మ‌హేష్ క‌థానాయ‌కుడిగా `అర్జున్ రెడ్డి` ఫేం సందీప్ వంగ ద‌ర్శ‌క‌త్వంలో ఓసినిమాకి అప్ప‌ట్లో స‌న్నాహాలు చేసిన‌ సంగ‌తి తెలిసిందే. అర్జున్ రెడ్డి బ్లాక్ బ‌స్ట‌ర్ అవ్వ‌డంతో మ‌హేష్ పిలిచి మ‌రీ అవ‌కాశం ఇచ్చారు. ఈ నేపథ్యంలో సందీప్ కొన్ని స్క్రిప్ట్ ల‌ను వినిపించాడు. కానీ ప్రాజెక్ట్ లాక్ కాలేదు. ఇద్ద‌రి మ‌ధ్య క్రియేటివ్ డిఫ‌రెన్సెస్ వ‌చ్చాయ‌న్న ప్ర‌చారం సాగింది. ఆ త‌ర్వాత సందీప్ వంగ బాలీవుడ్ సినిమాతో బిజీ అవ్వ‌డం.. మ‌హేష్ త‌న సినిమాల‌తో బిజీగా ఉండ‌డంతో ఆ కాంబో కుద‌ర‌లేదు. అయితే తాజాగా ఈ అంశం మ‌రోసారి తెర‌మీద‌కు వ‌చ్చింది.

ఈనెల 9న సూప‌ర్ స్టార్ పుట్టిన రోజు సంద‌ర్భంగా సందీప్ తో డిస్క‌ష‌న్ లో మ‌హేష్ మూవీ గురించి చ‌ర్చ‌కొచ్చిన‌ట్లు తెలిసింది. కాస్త లేట‌యినా మ‌హేష్ తో సినిమా తీయ‌డం ఖాయమ‌ని సందీప్ తెలిపారు. అలాగే ప్రాజెక్ట్ చ‌ర్చ‌లో ద‌శ‌లో ఉంద‌ని అన్నారు. దీంతో మ‌రోసారి ఈ కాంబో పై ఆస‌క్తి మొద‌లైంది. అంటే స్క్రిప్ట్ ద‌శ‌లోనే ప్రాజెక్ట్ ఉన్న‌ట్లు తెలుస్తోంది. మ‌హేష్ ఇంకా స్క్రిప్ట్ ని లాక్ చేసిన‌ట్లు లేదు. ఇటీవ‌లే మ‌హేష్ త‌న త‌దుప‌రి సినిమా ద‌ర్శ‌క‌ధీరుడు ఎస్.ఎస్ రాజ‌మౌళి తో ఉంటుంద‌ని ప్ర‌క‌టించిన సంగ‌తి తెలిసిందే.

అలాగే మ‌హేష్ త‌దుప‌రి చిత్రం మాట‌ల మాంత్రికుడు త్రివిక్ర‌మ్ తో చేస్తున్నారు. కానీ ఏ సంద‌ర్భంలోనూ మ‌హేష్ మాత్రం సందీప్ వంగ సినిమా గురించి ఎక్క‌డా రివీల్ చేయ‌పోవ‌డం ఆశ్చ‌ర్యక‌రం. కానీ ఇటు సందీప్ వంగ మాత్రం మ‌హేష్ ప్రాజెక్ట్ ని క‌న్ఫ‌మ్ చేసి ముందుకెళ్తున్నారు. ప్ర‌స్తుతం సందీప్ బాలీవుడ్ లో `డెవిల్` చిత్రాన్ని తెర‌కెక్కిస్తున్నారు. అర్జున్ రెడ్డి చిత్రాన్ని క‌బీర్ సింగ్ పేరుతో రీమేక్ చేయ‌గా బ్లాక్ బ‌స్ట‌ర్ కొట్టిన సంగ‌తి తెలిసిందే. ప్ర‌స్తుతం మ‌హేష్ స‌ర్కారు వారి పాట చిత్రీక‌ర‌ణ‌లో బిజీగా ఉన్నారు.