సర్దార్ లో తెలుగు సంగీత్ ఏదమ్మా?

సర్దార్ గబ్బర్ సింగ్ మూవీలో హైలైట్ గా.. అందులో ఉన్న సంగీత్ ఎపిసోడ్ అంటూ ముందునుంచి ప్రచారం జరిగింది. ఇంద్ర సినిమాలో మెగాస్టార్ వేసిన వీణ స్టెప్ ను పవన్ వేశాడని లీక్ ఇవ్వడం, తర్వాత ఈ విషయాన్ని పవన్ స్వయంగా చెప్పడంతో.. దీనిపై ఆసక్తి - అంచనాలు బాగా పెరిగిపోయాయి.

నిజానికి గబ్బర్ సింగ్ మూవీకి స్పెషల్ అట్రాక్షన్స్ లో మెయిన్.. పోలీస్ స్టేషన్ లో పవన్ ఆడించిన అంత్యాక్షరి ఎపిసోడ్. సర్దార్ గబ్బర్ సింగ్ లో సంగీత్ ఎపిసోడ్ దానికి మించి ఉంటుందని ఎక్స్ పెక్ట్ చేశారు. అయితే.. ఈ ఎపిసోడ్ చూస్తున్నంతసేపూ పవన్ కళ్యాణ్ స్టెప్పులు వేయడం చూసి ఫ్యాన్స్ ఎంజాయ్ చేసేస్తారు. కానీ.. ఇక్కడో విషయం గమనించాలి. మెగా మూవ్స్ అంటూ వీణ స్టెప్ - శంకర్ దాదా జిందాబాద్ స్టెప్ తప్ప.. మొత్తం సంగీత్ ఎపిసోడ్ లో ఒక్క తెలుగు పాట కూడా వినిపించదు. సర్దార్ సంగీత్ ని చూస్తే ఇది బాలీవుడ్ కోసం తీసినది అనే విషయం అర్ధమైపోతుంది.

సర్దార్ ని తెగ హడావిడిగా చుట్టేసే కార్యక్రమంలో భాగంగా.. అసలు తెలుగు సంగీత్ ని తీయనేలేదన్న మాట. బాలీవుడ్ సంగీత్ ని చూపించి, పవన్ స్టెప్పులతో తెలుగు ఆడియన్స్ ని ఎక్కించేందుకు ట్రై చేశారు. సర్లేండి.. మిగిలిన హీరోల పాటలు ఎందుకులే అనుకుంటే.. కనీసం ఏ బన్నీ అండ్‌ రామ్‌ చరణ్‌ పాటలు పెట్టినా బాగుండేదిగా!!