'వెంకీ - వరుణ్' మూవీలో మరో సీనియర్ హీరోయిన్..?

సినీ ఇండస్ట్రీలో ఎప్పటికప్పుడు నటినటులు మారుతూనే ఉంటారు. ఎలా అంటే.. ఓ క్యారెక్టర్ పోషించినవారు ఎప్పటికి అదే కంటిన్యూ చేయలేరు. కుర్రతనంలో హీరోయిన్స్ గా మెరిసిన వారంతా వయసు మీదపడినా కొద్దీ హీరో హీరోయిన్లకు సిస్టర్ లేదా వదిన క్యారెక్టర్స్ తో మెప్పిస్తారు. అదే యాక్టర్స్ మిడిల్ ఏజ్ వచ్చాక కాస్త గ్లామర్ లుక్ పోయిందంటే హీరో హీరోయిన్లకు మదర్ లేదా ఆంటీ క్యారెక్టర్స్ లో దర్శనమిస్తారు. అలా ప్రతి ఏడాది ఇండస్ట్రీలో చాలామంది క్యారెక్టర్స్ చేంజ్ అవుతూ కనిపిస్తారు. కానీ అదే తల్లి క్యారెక్టర్స్ లో హీరోయిన్స్ కనిపిస్తే మాత్రం అభిమానులకు కొంచం షాకింగ్ గానే ఉంటుంది. గతేడాది హీరోయిన్ తల్లి క్యారెక్టర్ పోషించి రీఎంట్రీ చేసింది సీనియర్ హీరోయిన్ సంగీత.

ఇండస్ట్రీలో ఎంతోమంది అలా సినిమాల్లో కనిపించి ఉండేవారు ఉంటారు వెళ్లేవారు వెళ్ళిపోతారు. అలా హీరోయిన్ గా ఓ ఇన్నింగ్స్ ఫినిష్ చేసి సెకండ్ ఇన్నింగ్స్ ప్రారంభించే హీరోయిన్స్ చాలామంది ఉంటారు. కాకపోతే సెకండ్ ఇన్నింగ్స్ లో వచ్చేవారు మళ్లీ హీరోయిన్ గా రాలేరు. తాజాగా సంగీత మళ్లీ సెకండ్ ఇన్నింగ్స్ మొదలుపెట్టింది. తెలుగుతో పాటు దాదాపు దక్షిణాది భాషలన్నింట్లో సంగీత నటించింది. ఈ భామ గతేడాది 'సరిలేరు నీకెవ్వరూ' సినిమాతో రీఎంట్రీ ఇచ్చింది. ఆ సినిమాలో సంగీత హీరోయిన్ తల్లి క్యారెక్టర్ పోషించింది. సినిమా హిట్ అయింది కానీ సంగీతకు పెద్దగా గుర్తింపు - అవకాశాలు రెండు రాలేదు. ఐతే ఏ హీరోయిన్ అయినా ఇండస్ట్రీలో అందరి హీరోలతో పని చేయాలనుకుంటారు. అలా అనుకున్నవారిలో కొందరితో ఛాన్స్ రాకపోవచ్చు.

పూర్తి కెరీర్ లో సంగీత మెగాస్టార్ పక్కన కనిపించడం ఆచార్య సినిమాలోనే ఫస్ట్ అని చెబుతోంది. ఇదిలా ఉండగా.. డైరెక్టర్ అనిల్ రావిపూడి ప్రస్తుతం వెంకటేష్ - వరుణ్ తేజ్ హీరోలుగా.. గ్లామరస్ తమన్నా - మెహరీన్ హీరోయిన్స్ గా 'ఎఫ్-3' అనే ఫుల్ లెన్త్ ఫన్ మూవీ తెరకెక్కిస్తున్న సంగతి తెలిసిందే. ఈ సినిమాలో చాలామంది ప్రముఖులు నటిస్తున్నారు. దిల్ రాజు భారీ బడ్జెట్ తో సినిమాను నిర్మిస్తున్నాడు. అయితే గతేడాది సరిలేరు నీకెవ్వరూ మూవీలో సంగీతకు అవకాశం ఇచ్చిన అనిల్.. ఇప్పుడు ఎఫ్3 లో కూడా ఓ మంచి కామిక్ రోల్ ఇచ్చినట్లు టాక్. ఇప్పటికే మాక్సిమం షూటింగ్ కంప్లీట్ చేసుకున్న ఈ సినిమాలో సంగీత ఎపిసోడ్స్ త్వరలోనే షూట్ చేస్తారని సమాచారం. మరి రీఎంట్రీ చేయించిన అనిల్.. సంగీతకు ఎలాంటి గుర్తింపు తెస్తాడో చూడాలి.