క‌మ‌ర్షియ‌లే కాదు గౌర‌వం పెంచేలా ఉంది.. సింగీతం కాంప్లిమెంట్..

శ్రీ‌విష్ణు న‌టించిన రాజ రాజ చోర థియేట‌ర్ల‌లో చ‌క్క‌ని రిజ‌ల్ట్ ని రాబ‌డుతుంటే టాలీవుడ్ లో ఉత్సాహం నెల‌కొంది. ఈ సినిమా ఈ వీకెండ్ తొలి మూడు రోజులు చక్క‌ని ఓపెనింగుల‌తో స‌త్తా చాటుతుంద‌ని ట్రేడ్ చెబుతోంది. రిలీజ్ డే పాజిటివ్ టాక్ ద‌రిమిలా వ‌రుస సెల‌వులు ఈ సినిమాకి క‌లిసొస్తున్నాయి. ఇక ఈ చిత్రంలో న‌టించిన శ్రీ‌విష్ణు.. ద‌ర్శ‌కుడు హ‌సిత్ గోలికి మంచి పేరొచ్చింది.

రాజ రాజ చోర సినిమా ఎంతో ఎమోష‌న‌ల్ గా క్వాలిటీ కంటెంట్ తో ఆక‌ట్టుకుంద‌ని మాస్ మ‌హారాజా రవితేజ ప్ర‌శంస‌లు కురిపించారు. ప‌లువురు ఇండ‌స్ట్రీ సెల‌బ్రిటీల నుంచి ఈ సినిమాకి ప్ర‌శంస‌లు ద‌క్కాయి. తాజాగా లెజెండ‌రీ ద‌ర్శ‌కుడు.. జాతీయ అవార్డ్ గ్ర‌హీత‌ సింగీతం శ్రీ‌నివాస‌రావు రాజ రాజ చోర‌పై ప్ర‌శంస‌లు కురిపించారు. ఇది కింగ్ సైజ్ బ్లాక్ బ‌స్ట‌ర్ .. చ‌క్క‌ని క‌మ‌ర్షియ‌ల్ అంశాల‌తో పాటు గౌర‌వం పెంచే లా విలువ‌ల‌ను కాపాడే విధంగా ఈ సినిమాని తీసార‌ని బెస్ట్ కాంప్లిమెంట్ ఇచ్చారు. ఇలాంటివి తీయ‌డం గౌర‌వం కాపాడ‌డం గొప్ప విష‌యం అని ఆయ‌న అన్నారు.

నిజానికి అంత పెద్ద ద‌ర్శ‌కుడితో ఇలాంటి ప్ర‌శంస ద‌క్క‌డం అరుదైన విష‌య‌మే. ఆయ‌న నుంచి శుభాకాంక్ష‌లు టీమ్ ఎదుగుద‌ల‌కు బ్లెస్సింగ్స్ అన‌డంలో సందేహ‌మేం లేదు. యువ‌ద‌ర్శ‌కుడు హ‌సిత్ గోలి మునుముందు మ‌రిన్ని ఇలాంటి క్లాసిక్స్ తీయాల‌ని ప‌లువురు ఆకాంక్షిస్తున్నారు.