స్టార్ హీరోయినా? టెన్నిస్ ప్లేయరా?

అదృష్టం క‌లిసొస్తే హీరోయిన్ అవ్వాల్సిందే..! కానీ జ‌స్ట్ లో మిస్స‌య్యింది సానియా మీర్జా. టెన్నిస్ క్రీడాకారిణిగా అత్యున్న‌త స్థాయికి ఎదిగిన సానియా అంద‌చందాల‌కు ఫిదా అయ్యి అప్ప‌ట్లో ప‌లువురు ద‌ర్శ‌క‌నిర్మాత‌లు క‌థానాయిక‌గా న‌టించ‌మ‌ని త‌న‌ని సంప్ర‌దించారు. కానీ ఆ ప్ర‌పోజ‌ల్స్ ని తిరస్క‌రించింది. కేవ‌లం ఆట‌పైనే కాన్ స‌న్ ట్రేట్ చేయ‌డం వ‌ల్ల సినిమాలు చేసేందుకు ఆసక్తి చూపించ‌లేదు.

వ‌ర్త‌మానంలోకి వ‌స్తే సానియా ప్ర‌స్తుతం వ్య‌క్తిగ‌త జీవితంలో స‌రిగ‌మ‌ల్ని ఆస్వాధిస్తోంది. స్టార్ క్రికెట‌ర్ సోయ‌బ్ మాలిక్ ని పెళ్లాడి ఇటీవ‌లే ఓ బిడ్డ‌కు జ‌న్మ‌నిచ్చిన సంగ‌తి తెలిసిందే. సానియా కిడ్ బేబి బంప్ ఫోటోలు - బిడ్డ జ‌న్మించిన అనంత‌రం త‌న ఫోటోలు సోష‌ల్ మీడియాలో జోరుగా వైర‌ల్ అయ్యాయి. ఇక ఓ బిడ్డ‌కు త‌ల్లి అయ్యాక కొత్త సంవ‌త్స‌రాన్ని సానియా కొత్త‌గా ప్రారంభించింది. 2019 కి వెల్ కం చెబుతూ దుబాయ్ లో సెల‌బ్రేష‌న్స్ తో మొద‌లు పెట్టింది. డిసెంబ‌ర్ 31 రాత్రి దుబాయ్ లో మ‌హేష్ - న‌మ్ర‌త ఫ్యామిలీతో క‌లిసి ఎన్ వైఈ 2019 ఈవెంట్ లో సంద‌డి చేసిన ఫోటోలు వైర‌ల్ అయ్యాయి.

తాజాగా సానియా ముంబై విమానాశ్ర‌యం లో అడుగుపెట్టిన ఫోటోలు అంత‌ర్జాలంలోకి వ‌చ్చాయి. ర‌క‌ర‌కాల వ‌ర్క్ క‌మిట్ మెంట్స్ లో భాగంగా సానియా ముంబైలో అడుగుపెట్టింది. అయితే సానియా ఈ ట్రిప్ లో సోలోగానే ద‌ర్శ‌న‌మిచ్చింది. త‌న‌తో పాటు ఎవ‌రూ లేరు. వ‌ర్క్ క‌మిట్ మెంట్స్ కాబట్టి త‌న ప‌నిలో భాగంగా ఒంట‌రిగానే వెళ్లింద‌ని అర్థ‌మ‌వుతోంది. ఈ లుక్ చూశాక‌.. స్టార్ హీరోయినా? లేక టెన్నిస్ క్రీడాకారిణియా? అన్న‌ది పోల్చ‌డం క‌ష్ట‌మే.