ఫోటో స్టోరీ : సానియా మదర్‌ మూమెంట్‌

ప్రముఖ టెన్నీస్‌ క్రీడాకారిణి సానియా మీర్జా చాలా కాలం క్రితం పాకిస్తాన్‌ క్రికెటర్‌ సోహెబ్‌ మాలిక్‌ వివాహం చేసుకున్న విషయం తెల్సిందే. వీరిద్దరికి ఇటీవలే బాబు జన్మించాడు. సాదారణంగా సెలబ్రెటీ పిల్లలు ఎలా ఉంటారు, వారి ఫొటోలు ఎలా ఉన్నాయి, వారు ఎలా పెరుగుతున్నారు అంటూ అభిమానులు తెలుసుకునేందుకు ఎంతో ఆసక్తి చూపుతూ ఉంటారు. సానియా మీర్జా డెలవరీ అయినప్పటి నుండి కూడా బాబు ఫొటో కోసం అభిమానులు ఎంతో ఆసక్తిగా ఎదురు చూశారు.

కొన్ని రోజుల క్రితం సానియా మీర్జా ఒక హాస్పిటల్‌ లో బాబుతో కనిపించింది. కాని ఆ ఫొటోల్లో బాబు కనిపించలేదు. ఇప్పుడు ఆమె స్వయంగా సోషల్‌ మీడియాలో బాబు ఫొటోలను పోస్ట్‌ చేసింది. తన ఒడిలో ఉన్న కొడుకు ఇజ్జాహన్‌ మీర్జా మాలిక్‌ ఫొటోలను షేర్‌ చేయడం జరిగింది. సానియా అధికారికంగా ఫొటోలు షేర్‌ చేయడంతో సోషల్‌ మీడియాలో ఇజ్జాహన్‌ ఫొటోలు సందడి చేస్తున్నారు. ఫొటోల్లో గమనించినట్లయితే ఇజ్జాహన్‌ మీర్జా మాలిక్‌ కు అప్పుడే క్రికెట్‌ చూపిస్తున్నారు. భవిష్యత్తులో మరి ఈ బుడతడు క్రికెటర్‌ అయ్యి బ్యాట్‌ పట్టుకుంటాడో లేదంటే టెన్నీస్‌ ఆడేందుకు రాకెట్‌ పట్టుకుంటాడో చూడాలి.