బ్యాటు పట్టుకుని అందాల చిందులు

ఇప్పటికే సినిమా తారలు స్పోర్ట్స్ లో అడుగు పెట్టేసి చాలా కాలమే అయిపోయింది. అటు ఆటలతో వ్యాపారం చేసేయడమే కాదు.. సెలబ్రిటీ లీగ్స్ పేరుతో ఆడేస్తున్నారు కూడా. ఐపీఎల్.. ప్రొ కబడ్డీ లాంటి ప్రొఫెషనల్ గేమ్స్ తో పాటు.. సెలబ్రిటీ క్రికెట్ లీగ్ లాంటివాటిలో తమ స్పోర్టింగ్ ట్యాలెంట్ కూడా చూపించేస్తున్నారు. ఇప్పుడు సెలబ్రిటీ బ్యాడ్మింటన్ లీగ్ పేరుతో మరో ఈవెంట్ ప్రారంభం అవుతోంది. గతేడాదే ఈ లీగ్ కి సంబంధించిన ఫ్రాంచైజీలు ఖాయం అవగా.. ఇప్పుడు ఆటతో ట్యాలెంట్ చూపించబోతున్నారు సెలబ్రిటీలు.

కన్నడ నటి అయినా.. తెలుగులోనూ చెప్పుకోదగ్గ గుర్తింపు ఉన్న సంజన.. ఈ సెలబ్రిటీ లీగ్ లో టాలీవుడ్ థండర్స్ ఆడబోతోంది. అమ్మడు ఇప్పటికే హైద్రాబాద్ లో తెగ ప్రాక్టీస్ చేసేస్తోందట కూడా. ఇక మహేష్ బాబు బావ సుధీర్ బాబు కూడా ఈ లీగ్ లో పాల్గొంటున్నాడు. అంతే కాదు.. మన థండర్స్ టీమ్ కి ఇతనే కెప్టెన్ అని కూడా తెలుస్తోంది. యాక్టర్ కాకమునుపు సుధీర్ బాబు బ్యాడ్మింటన్ ప్లేయర్ లెండి. ఆ అనుభవం ఇక్కడ వాడేస్తున్నాడు.

వీళ్లతో పాటు పలువురు టాలీవుడ్ సెలబ్రిటిలు కూడా ఈ ఈవెంట్ లో బ్యాట్ తో ట్యాలెంట్ చూపించేయనున్నారు. మిగిలిన వాళ్లంతా స్టేడియంలో అందాల విందులు అందించడంతో పాటు.. చిందులు కూడా వేసేస్తారట.