బాబుకు జన్మనిచ్చిన ప్రభాస్ హీరోయిన్‌

ప్రభాస్ హీరోగా నటించిన బుజ్జిగాడు సినిమాలో చిన్న పాత్రలో కనిపించిన సంజన గల్రాని ఇటీవలే తాను ప్రెగ్నెంట్‌ అంటూ అధికారికంగా ప్రకటించిన విషయం తెల్సిందే. కరోనా సమయంలోనే తన పెళ్లి విషయాన్ని వెళ్లడించింది. పెళ్లి ప్రకటన చేసిన కొన్నాళ్లకే సంజన తల్లికాబోతున్నట్లుగా ప్రకటించి అందరిని ఆశ్చర్య పర్చింది. ప్రెగ్నెంట్‌ తో ఉన్నప్పుడు ఆమె రెగ్యులర్‌ గా ఫోటోలు షేర్‌ చేస్తూ వచ్చింది.

గర్బవతిగా తన ఆనందాన్ని.. అభిప్రాయాలను అందరితో పంచుకుంటూ జనాల్లో వార్తల్లో నిలిచిన సంజన తాజాగా పండంటి బాబుకు జన్మనిచ్చినట్లుగా అధికారికంగా ప్రకటన వచ్చింది.

బెంగళూరులోని ఒక ప్రైవేట్‌ ఆసుపత్రిలో సంజన బాబుకు జన్మనిచ్చిందట. ఆసుపత్రి వర్గాల వారితో పాటు సంజన కుటుంబ సభ్యులు కూడా ఈ విషయాన్ని అధికారికంగా మీడియాకు సోషల్ మీడియా ద్వారా తెలియజేశారు.

సంజన తల్లి అవ్వడానికి ముందు పలు సినిమాల్లో నటించింది. తెలుగు తో పాటు కన్నడ భాషలో హీరోయిన్ గా సంజనకు మంచి గుర్తింపు దక్కింది. అయితే డ్రగ్స్ కేసు తో ఆమె కెరీర్‌ ఒక్కసారిగా తలకిందులు అయ్యింది. ఆమె అరెస్ట్‌ అవ్వడం... అనేక ఆరోపణలు ఎదుర్కోవడం వల్ల ఇండస్ట్రీలో ఆమె మనుగడ సాధ్యమా అనే అనుమానాలు కొందరు వ్యక్తం చేశారు.

అయితే వాటితో సంబంధం లేకుండా సంజన కు ఆఫర్లు వచ్చాయి. పెద్ద ఎత్తున ఆమె ఇండస్ట్రీలో ఆఫర్లు వస్తున్నాయి అంటూ వార్తలు వచ్చాయి. ఆమె ఇండస్ట్రీలో కొనసాగే విషయమై ఆ మద్య ఒక ఇంటర్వ్యూలో క్లారిటీ ఇచ్చింది.

తాను వరుసగా సినిమా ఇండస్ట్రీలో సినిమాలు చేయాలని భావిస్తున్నాను. తప్పకుండా బిడ్డకు జన్మనిచ్చిన తర్వాత సినిమాలు చేస్తాను అంటూ చెప్పుకొచ్చింది.