ట్రైలర్ టాక్: 'భూమి' అదిరింది

అక్రమాయుధాలు సరఫరా చేశాడు అనే ఆరోపణలను ఎదుర్కొని జైలు జీవితం గాడిపొచ్చిన సంజయ్ చాలా కాలం తర్వాత స్వేచ్ఛ జీవితాన్ని అనుభవిస్తున్నాడు. అలాగే పూర్తిగా సినిమాలపై దృష్టిపెట్టి సరికొత్త నటుడిగా పేరు సంపాదించాలనుకుంటున్నాడు.2014 లో అమిర్ ఖాన్ "పీకే" తర్వాత సంజయ్ ఒక్క సినిమాతో కూడా రాలేదు. దీంతో త్వరలోనే ఓ సినిమాతో రాబోతున్నాడు. రీసెంట్ గా యన నటించిన కొత్త సినిమా భూమి ట్రైలర్ ను రిలీజ్ చేశారు చిత్ర యూనిట్ సభ్యులు.

అయితే ట్రైలర్ లో సంజయ్ దత్ చాలా కొత్తగా కనిపిస్తున్నారు. సినిమాలో తన నట విశ్వరూపాన్ని చూపించాడని క్లియర్ గా అర్ధమవుతుంది. ఓ తండ్రి కూతుళ్ళ మాద్య సాగే ఈ కథలో సంజయ్ కూతురిగా అదితి రావ్ సింపుల్ గా కనిపిస్తోంది. అయితే ఈ చిత్రం సెంటిమెంట్ ఎమోషన్ డ్రామాగా ఉండబోతుందని షాట్స్ చూస్తే అర్ధమవుతుంది. అనుకోకుండా జరిగిన కొన్ని పరిణామాల వల్ల తండ్రి కూతుళ్లు ఎలాంటి పరిణామాలను ఎదుర్కొన్నారని ట్రైలర్ లో చెప్పకనే చెప్పేశాడు దర్శకుడు. కొన్ని యాక్షన్స్ సీన్స్ కూడా ఉన్నట్లు తెలుస్తోంది

ఇక ఈ సినిమాపై ప్రస్తుతం బాలీవుడ్ లో భారీ అంచనాలు ఉన్నాయి. మేరీ కోమ్- సోరాబ్జిత్ సినిమాలను తెరకెక్కించిన ఒముంగ్ కుమార్ దర్శకత్వం వహిస్తున్నాడు. ఆర్ట్ డైరెక్టర్ట్ గా ఎన్నో సినిమాలకు పని చేసిన ఈ దర్శకుడు స్క్రీన్ ప్రజెంటేషన్ బాగా ఇస్తాడని అంటారు.. అలాగే భూమి ట్రైలర్ లో షాట్స్ కూడా వైవిధ్యంగా ఉన్నాయి. టి-సిరీస్ - లెజెండ్ స్టూడియోస్ కలిసి సంయుక్తంగా నిర్మించిన ఈ చిత్రం సెప్టెంబర్ 22న రిలీజ్ కానుంది.