భాయ్ మాటలు.. పూరీకి షాకులు

సంజయ్ దత్ ఇప్పుడు తన సినిమాల్లో సెకండ్ ఇన్నింగ్స్ స్టార్ట్ చేసేస్తున్నాడు. గతంలోనూ జైలు నుంచి వచ్చి మధ్యమధ్యలో షూటింగ్ చేసినా.. ఇప్పుడు శిక్షాకాలం పూర్తయిపోవడంతో.. ప్రశాంతంగా సినిమాలు చేసుకోగలుగుతాడు. మరి ఇప్పుడు బాలీవుడ్ భాయ్ తీయబోయే సినిమాలు ఎలా ఉంటాయ్.. ఈ ప్రశ్నకు స్వయంగా సమాధానమిచ్చాడు సంజయ్ దత్.

హిందీ సిని పరిశ్రమలో కొత్త తరహా మార్పులు తీసుకురాగల సబ్జెక్టులను మాత్రమే చేస్తానంటున్నాడు సంజయ్ దత్. గొప్ప సినిమాలు మాత్రమే చేస్తానని తేల్చేశాడు. ప్రస్తుతం తను 3 సినిమాలకు అంగీకరించానన్న మున్నా భాయ్.. సిద్ధార్ధ్ ఆనంద్ - విధు వినోద్ చోప్రాల సినిమాలతో పాటు మున్నాభాయ్3 చేస్తానని చెప్పాడు. సిద్ధార్ద్ మూవీలో మెచ్యూర్డ్ యాక్షన్ హీరో రోల్ చేస్తున్నాడట. ఇక విధు చోప్రా చిత్రంలో తండ్రీ కూతుళ్ల అనుబంధాన్ని చూపించబోతున్నారు. ఈ రెండు ఈ ఏడాదే మొదలు కానుండగా.. ఇక మున్నాభాయ్ షూటింగ్ 2017లో బిగిన్ అవుతుంది.

ఈ లెక్క అంతా చూస్తే.. మన కమర్షియల్ మాస్ దర్శకుడు పూరీ జగన్నాధ్ కి ఆల్మోస్ట్ నో చెప్పేసినట్లే అనుకోవాల్సిందే. అయితే.. ఉన్న ఒకే ఒక్క హోప్ ఏంటంటే.. ఇండస్ట్రీని చేంజ్ చేయగల సబ్జెక్ట్ అయితే చేస్తాననడం. ఒకటే హీరో కేరక్టరైజేషన్, అదే పోలీసుల చుట్టూ స్టోరీ.. ఇలా కాకుండా తన క్రియేటివిటీతో ఏదైనా చేస్తే.. పూరీకి సంజయ్ ఛాన్సివ్వచ్చు.