హిందీ 'ప్రస్థానం'పై కన్నేశాడట

విలక్షణ నటుడిగా ఎన్నో పాత్రలను చేసి ఎంతగా ఫ్యామస్ అయ్యాడో అంతే స్థాయిలో జీవితంలో కొన్ని తప్పటడుగులు వేసి విమర్శలు మూటగట్టుకున్న హీరో సంజయ్ దత్. అక్రమాయుధాలు సరఫరా చేసాడని జైలు జీవితాన్ని అనుభవించి వచ్చిన ఈ స్టార్ ఇప్పుడు అన్నీ మరచి తన స్వేచ్చా జీవితాన్ని గడుపుతున్నాడు. అంతే కాకుండా తనదైన శైలిలో సినిమాలు తీస్తూ ఆకట్టుకునే ప్రయత్నం చేయాలనుకుంటున్నాడు ఈ బాలీవుడ్ హీరో.

రీసెంట్ గా భూమి సినిమాను పూర్తి చేసిన సంజయ్ ట్రైలర్ తో డిఫరెంట్ లుక్ తో అదరగొట్టాడు. అయితే ఇప్పుడు అదే తరహాలో మరో కొత్త తరహా చిత్రాన్నీ తెరకెక్కించడానికి రెడీ అయ్యాడు. తెలుగులో శర్వానంద్ మరియు సాయి కుమార్ లు నటించిన "ప్రస్థానం" మూవీ ని హిందీలో రీమేక్ చేయడానికి ప్లాన్ చేస్తున్నట్టు రీసెంట్ గా జరిగిన మీడియా సమావేశంలో సంజయ్ చెప్పాడు. అంతే కాకుండా ప్రస్థానం సినిమాను తెరకెక్కించిన దేవ కట్టా డైరెక్షన్లోనే ఆ సినిమా చేయబోతున్నట్లు సంజయ్ ఆలోచిస్తున్నాడట. మరి తెలుగులో అంతగా ఆకట్టుకోలేని ప్రస్థానం సంజయ్ కి హిట్ ను ఇస్తుందో లేదో చూడాలి. ఎందుకంటే ఈ సినిమాలో సాయి కుమార్ పోషించిన పాత్రను మనోడు పోషించాలని చూస్తున్నాడు.

మొత్తానికి సంజయ్ తన థర్డ్ ఇన్నింగ్స్ లో దుమ్ములేపాలని చూస్తున్నట్లున్నాడు. ఆల్రెడీ చిన్నప్పుడే హీరో అయిపోయి.. తరువాత జైలుకు వెళ్ళి గ్యాపిచ్చి.. మల్ళీ మొన్నోసారి జైలుకు వెళ్ళి గ్యాపిచ్చి.. ఇప్పుడు అదరగొట్టేస్తాడట. మరి ఈ మూడో ఇన్నింగ్స్ లో తండ్రిగా చేయడానికి కూడా రెడీ అయిపోయాడు కాబట్టి.. చూద్దాం అవుట్ పుట్ ఎలా ఉంటుందో.