ఖల్ నాయక్ కోసం.. భాయ్‌ ఏర్పాట్లు

అక్రమంగా ఆయుధాలు కలిగి ఉన్నాడనే కేస్ లో శిక్ష పూర్తి చేసుకుని సంజయ్ దత్ విడుదలయ్యాడు. దీంతో బాలీవుడ్ కండలవీరుడు సల్మాన్ ఖాన్ ఇప్పుడు ఫుల్లు హ్యాపీగా ఉన్నాడు. సల్లూభాయ్ - సంజయ్ దత్ ల మధ్య ముందునుంచి మంచి ఫ్రెండ్ షిప్ ఉంది. తమ స్నేహాన్ని, అనుబంధాన్ని చూపించేందుకు... సూపర్బ్ ప్లాన్ సెట్ చేసుకున్నాడు సల్మాన్.

సంజయ్ దత్ ముంబై వచ్చి ఫ్యామిలీని కలిసిన తర్వాత.. సాయంత్రానికల్లా సల్మాన్ అరేంజ్ చేసిన ఓ హై ఎండ్ పార్టీకి హాజరు కానున్నాడు . సల్మాన్ కి చెందిన పన్వేల్ లోని ఫాం హౌజ్ లో ఈ పార్టీ జరగనుంది. దీనికి కేవలం క్లోజ్ ఫ్రెండ్స్ - ఫ్యామిలీ మెంబర్స్ మాత్రమే హాజరు కానున్నారు. అంతే కాదు.. వీలైనంత సమయం ఖల్ నాయక్ తో గడిపేలా సల్మాన్ ప్లాన్ చేసుకున్నాడు. త్వరలో సుల్తాన్ షూటింగ్ కోసం హర్యానా వెళ్లనున్నాడు సల్మాన్. ఈ లోగా మొత్తం టైం అంతా సంజయ్ దత్ తోనే స్పెండ్ చేసేలా స్కెచ్ గీసుకున్నాడని చెబుతున్నారు.

వీటన్నిటితో పాటు.. సల్మాన్ ప్రత్యేకంగా నలుగురు బాడీ గార్డులను ముంబై ఎయిర్ పోర్టుకు పంపాడట. సంజయ్ దిగిన దగ్గర నుంచి.. వాళ్లు అతని వెన్నంటే ఉండాలని ఆర్డర్ చేశాడు కూడా. మొత్తానికి ఎక్కడి నుంచి వచ్చామని కాదు.. ఎలాంటి ఫ్రెండ్ మనకు తోడున్నాడనేదే అసలు పాయింట్ అన్నట్లుగా.. సంజయ్ దత్ కోసం సల్మాన్ ఏర్పాట్లు చేస్తుండడం విశేషమే.