సంజయ్ దత్ రాగానే సల్మాన్ ఏం చేశాడు?

బాలీవుడ్ బడా హీరోలు సంజయ్ దత్, సల్మాన్ ఖాన్ లకు చాలా పోలికలు కనిపిస్తాయి. ఇద్దరికీ మంచి బ్యాగ్రౌండ్ ఉంది. వాళ్ల తండ్రులిద్దరికీ బాలీవుడ్లో చాలా మంచి పేరుంది. కానీ వీళ్లు మాత్రం బ్యాడ్ బాయ్స్ గా పేరు తెచ్చుకున్నారు. పెద్ద పెద్ద కేసుల్లో ఇరుక్కున్నారు. సంజయ్ దత్ కేసు ఓ కొలిక్కి వచ్చి అతడికి జైలు శిక్ష పడి.. దాన్ని పూర్తి చేసుకుని బయటికి వచ్చాడు. సల్మాన్ ఖాన్ కు కూడా సంజయ్ లాగే ఐదేళ్లు జైలు శిక్ష పడింది. కానీ ఆ తీర్పు మీద స్టే వచ్చింది. భవిష్యత్తులో అతను సంజయ్ లాగే జైలుకు వెళ్లినా ఆశ్చర్యమేమీ లేదు. ఇలా తమ ఇద్దరి జీవితాలు దగ్గరగా ఉండటం వల్లే ఏమో.. వాళ్లిద్దరూ మంచి స్నేహితులయ్యారు.

జైలు నుంచి విడుదలయ్యాక పెట్టిన ప్రెస్ మీట్ లో చాలా ఉద్వేగంగా మాట్లాడుతూ.. సల్మాన్ పేరు తలుచుకున్నాడు సంజూ. సల్మాన్ తనకు తమ్ముడి లాంటి వాడని చెప్పాడు. ఆ తమ్ముడు సాయంత్రానికల్లా అన్నయ్యను ఓ స్పెషల్ ట్రీట్ తో సర్ ప్రైజ్ చేశాడు. గురువారం సాయంత్రం సల్మాన్ ఖాన్ తన ఫామ్ హౌజ్ లో తన ఫ్యామిలీ మెంబర్స్, సంజయ్ కుటుంబ సభ్యులకు కలిపి గ్రాండ్ పార్టీ ఏర్పాటు చేయడం విశేషం. ఈ పార్టీ సందర్భంగా సంజయ్ చాలా ఉద్వేగానికి గురయ్యాడట. సల్మాన్ తన మీద చూపించిన ప్రేమ చూసి పొంగిపోయాడట. గురువారం జైలు నుంచి విడుదలవబోతున్నానన్న ఆనందంలో ముందు రోజు రాత్రంతా నిద్ర పట్టలేదని.. తిండి కూడా తినలేదని అన్నాడు సంజయ్. మరి సల్మాన్ చూపించిన ప్రేమతో రెండో రోజు కూడా ఆయనకు ఇలాంటి పరిస్థితే ఎదురై ఉంటుందేమో.