సంజయ్ చెప్పిన సంజు రహస్యం

సంజయ్ దత్ జీవిత కథ ఆధారంగా రూపొందిన సంజు సక్సెస్ బయోపిక్ లకు కొత్త ఊపిరినిచ్చింది. సినిమా మీద విమర్శలు చిన్నపాటి వివాదాలు ఉన్నప్పటికీ ప్రేక్షకులు ఇందులో సెంటిమెంట్ కి ఎమోషన్ కి వసూళ్ల వర్షం కురిపించారు. సంజయ్ దత్ జీవితంలో జరిగినవాటి గురించి కేవలం పాజిటివ్ యాంగిల్ లో చూపించారు అనే నింద ఉన్నప్పటికీ దర్శకుడు రాజ్ కుమార్ హిరానీ మాత్రం నిజాలే తీసానని నొక్కి చెబుతున్నాడు. ఇక ఇందులో సంజయ్ దత్ పాత్ర అనుష్కకు ఇచ్చే ఇంటర్వ్యూలో తాను ఇప్పటిదాకా 300 అమ్మాయిలతో డేటింగ్ చేసుంటాను అని చెప్పడమే కాదు సెక్స్ వర్కర్స్ ని తీసేసి చెప్పాలా లేదా వేరే చెప్పాలా అంటూ అడగటం బాగా హై లైట్ అయ్యింది. నిజానికి సంజయ్ అంత కన్నా ఎక్కువ అమ్మాయిలతో చాలా దూరం వెళ్ళుంటాడు అనే కథనాలు కూడా బాలీవుడ్ లో వచ్చాయి ఇప్పటికీ వస్తున్నాయి. దీని మీద సంజయ్ దత్ తాజాగా ఒక ప్రముఖ మీడియా ఛానల్ ఇంటర్వ్యూలో ఓపెన్ అయ్యాడు.

తాను ఎంత మంది అమ్మాయిలతో కలిసి తిరిగానో తనకు తెలియదని వాళ్ళ పేర్లు కాదు కదా కనీసం వాళ్ళ మొహం కూడా తనకు ఇప్పుడు గుర్తు లేదని కుండబద్దలు కొట్టేసాడు. అంటే ఆ నెంబర్ అంత కన్నా ఎక్కువ అని ప్రూవ్ అయినట్టేగా. అంతే కాదు తన పాత్ర పోషించిన రన్ బీర్ కపూర్ కూడా స్వాతి ముత్యం కాదని తేల్చేస్తున్నాడు. పది మంది దాకా ఉండొచ్చు అని రన్ బీర్ అంటుంటే ఆబ్బె అంత కంటే ఎక్కువ అని సంజయ్ ఉడికిస్తున్నాడు. 10 చాలా చిన్న నెంబర్ అని రన్ బీర్ కు అంత కంటే చాలా ఎక్కువ అఫైర్స్ ఉన్నాయని తేల్చి చెప్పేసాడు. సినిమా కోసం కాదు కానీ సంజయ్ రన్ బీర్ కపూర్ మధ్య ఎప్పటి నుంచో బాండింగ్ ఉంది. గతంలో ఓ ఖరీదైన బైక్ ను సంజయ్ దత్ రన్ బీర్ కపూర్ కు కానుకగా ఇస్తే నాన్న రిషి కపూర్ నా కొడుకును చెడగొట్టకు అని సీరియస్ అయినట్టుగా వార్తలు వచ్చాయి. ఏదైతేనేం ఇద్దరు ఇద్దరే అని ఋజువు చేసుకున్నారుగా.