సన్నీ లియోన్ సాంగ్ తీసేయమంటున్నాడు

ప్రస్తుత రోజుల్లో ఒక యాక్షన్ రొమాన్స్ కామెడీ ఇలా ఏ సినిమా తెరకెక్కుతున్నా కూడా అందులో ఒక మసాలా ఐటెమ్ సాంగ్ ఉండాల్సిందే. సినిమా కంటెంట్ ఎలా ఉన్నా ఓ వర్గం ప్రేక్షకుల కోసం చిత్ర యూనిట్ కావాలని సినిమాలో ఐటెమ్ సాంగ్ మూమెంట్ ని తెప్పించి మరి ఆ స్పెషల్ సాంగ్ ని పెట్టిస్తున్నారు. ఇక కమర్షియల్ సినిమాలను తీసే బడా హీరోల గురించి అయితే ప్రత్యేకంగా చెప్పనక్కర్లేదు. వారి డ్యాన్సులు స్పెషల్ హీరోయిన్స్ తో చెయ్యాల్సిందే.

ఒకప్పుడు ఐటెమ్ సాంగ్ లకి సపరేట్ గా కొందరు స్టార్స్ ఉండే వారు కానీ ప్రస్తుత రోజుల్లో హీరోయిన్స్ కూడా ఐటెమ్ సాంగ్ లకి సై అంటుండడంతో నిర్మాతలు కూడా రెమ్యునరేషన్ గురించి ఆలోచించకుండా చిందులు వేయిస్తున్నారు. అయితే ఇప్పుడు సన్నీ లియెన్ మాత్రం ఓ వైపు కథానాయికగా చేస్తూనే మరోవైపు అత్యధిక ఐటెమ్ సాంగ్స్ చేస్తూ రెండు చేతులా సంపాదిస్తోంది. అయితే ఈ మధ్య సన్నీ సంజయ్ దత్త్ నటించిన భూమి సినిమాలో ఒక ఐటెమ్ సాంగ్ చేసింది. ఆ సినిమా ఈ నెల 22న రిలీజ్ కాబోతోంది. అయితే సినిమాలో సన్నీ చేసిన "ట్రిప్పి ట్రిప్పి" ఐటెమ్ సాంగ్ ని సంజయ్ కట్ చేయమని చెప్పాడట. ఈ మధ్యనే సినిమాను మొత్తం ఓ సారి చూసిన సంజయ్ సినిమా కంటెంట్ కి ఆమె పాట సెట్ అవ్వడం లేదని , అలాగే వల్గర్ గా కూడా ఉందని చెప్పాడట. కాని ఇప్పటికే ట్రైలర్ తో మంచి రెస్పాన్స్ ని అందుకున్న భూమి సినిమా సన్నీ సాంగ్ కి కూడా భారీ రెస్పాన్స్ ని అందుకుంది. మరి సంజయ్ నిజంగా ఆ పాటని తీసెయ్యమన్నడా అనే టాక్ గట్టిగా వినిపిస్తోంది.

అలాగే పాటని విడుదల చేసినప్పుడు సంజయ్ సోషల్ మీడియా ద్వారా సన్నీకి థాంక్స్ కూడా చెప్పాడు. మరి అలాంటి సంజయ్ ఎలా ఆ పని చేయమంటాడు అనే విషయాన్ని నమ్మాలంటే కాస్త సందేహంగానే ఉందంటున్నారు నెటిజన్స్.