ఐసూతో చేస్తే అభితో దొరికిందోచ్‌!!

ఐశ్వ‌ర్యారాయ్ బ‌చ్చ‌న్.. మోస్ట్ ప‌వ‌ర్ ఫుల్ ఉమెన్‌. ఎంత ప‌వ‌ర్‌ ఫుల్‌? అనేదానికి ప్ర‌త్య‌క్షంగా ప్రూఫ్ కూడా ఉంది. మోస్ట్ ట్యాలెంటెడ్‌ - మోస్ట్ ప‌వ‌ర్‌ ఫుల్ అని చెప్ప‌డానికి ఐసూ కెరీర్‌ గ్రాఫ్‌ - ఐసూ ఇన్‌ ఫ్లూయెన్స్ చేస్తున్న ఎన్నో విష‌యాలు క‌ళ్ల‌ముందే ప్రూఫ్‌ లుగా ఉన్నాయి. ఇప్పుడు ఐసూలోని డైన‌మిజం భ‌ర్త అభిషేక్ బ‌చ్చ‌న్‌ కి కొత్త అవ‌కాశాల్ని తెచ్చి పెడుతున్నాయంటే అతిశ‌యోక్తి కాదు. ఐశ్వ‌ర్యారాయ్ బ‌చ్చ‌న్ రీఎంట్రీ సినిమా జ‌జ్బా తెర‌కెక్కించిన సంజ‌య్ గుప్తా .. ఆ వెంట‌నే అభిషేక్ బ‌చ్చ‌న్‌ కి ఓ దిమ్మ తిరిగే ఆఫ‌ర్ ఇచ్చాడు. అభిని ఇంత‌వ‌ర‌కూ ఎవ‌రూ చూపించ‌నంత కొత్త‌గా చూపించేందుకు సంజ‌య్ రెడీ అవుతున్నారు. అస‌లు ఈ అవ‌కాశం రావ‌డానికి ఐసూ ఇన్‌ ఫ్లూయెన్స్ అంటే త‌ప్పేం కాదు.

సంజ‌య్‌ గుప్తా ద‌ర్శ‌క‌త్వంలో ఈసారి ఓ గ్యాంగ్‌ స్ట‌ర్ స్టోరీ తెర‌కెక్క‌నుంది. ప్ర‌ఖ్యాత ర‌చ‌యిత హుస్సేన్ జైదీ ర‌చించిన న‌వ‌ల డోంగ్రీ టు దుబాయ్ న‌వ‌ల ఆధారంగా ఈ చిత్రం తెర‌కెక్క‌నుంది. ఇప్ప‌టికే ఈ న‌వ‌ల‌కు సంబంధించిన రైట్స్‌ ని సంజ‌య్ చేజిక్కించుకున్నారు. డోంగ్రీ టు దుబాయ్ 2014లో బెస్ట్ సెల్లింగ్ బుక్‌ గా పాపుల‌ర్ అయ్యింది. 2012లో అదే ర‌చ‌యిత నుంచి వ‌చ్చిన బైకుల్లా టు బ్యాంకాక్ న‌వ‌ల‌కు ఇది పార్ట్ 2 న‌వ‌ల‌. తొలుత ముంబై సాగ అనే టైటిల్‌ తో సినిమా తీయాల‌నుకున్నా ఇప్పుడు సంజ‌య్ ఆలోచ‌న మారింది. ఏక్ థా గ్యాంగ్‌ స్ట‌ర్ అనే టైటిల్‌ ని ప‌రిశీలిస్తున్నాడు. ఈ చిత్రంలో అభిషేక్ బ‌చ్చ‌న్ ఓ గ్యాంగ్‌ స్ట‌ర్‌ గా క‌నిపించ‌బోతున్నాడు. అభి ఇన్నేళ్ల కెరీర్‌ లో ఇంత‌వ‌ర‌కూ ద‌క్క‌ని అవ‌కాశం ఇది. ఇటీవ‌లి కాలంలో చేయ‌ని ఓ కొత్త ప్ర‌య‌త్నం అని బాలీవుడ్‌ లో ముచ్చ‌టించుకుంటున్నారు. ఇదంతా ఐసూ వ‌ల్లే సాధ్య‌మైంద‌ని చెవులు కొరుక్కుంటున్నారు. అదీ సంగ‌తి.