మరో క్రేజీ ప్రాజెక్ట్ టేకప్ చేసిన భన్సాలి?

బాలీవుడ్లో ఉన్న టాప్ డైరెక్టర్ లో సంజయ్ లీలా భన్సాలి ఒకరు. మనకు సౌత్ లో భారీ చిత్రాలకు కేరాఫ్ అడ్రస్ శంకర్ అయితే బాలీవుడ్ లో భారీ చిత్రాలకు కేరాఫ్ అడ్రెస్ ఆయన. భన్సాలి దర్శకత్వంలో తెరకెక్కిన లాస్ట్ ఫిలిం 'పద్మావత్' వివాదాలకు కేంద్రబిందువుగా నిలవడమే కాదు బాక్స్ ఆఫీస్ దగ్గర కలెక్షన్ల వర్షం కూడా కురిపించింది. తాజాగా ఆయన మరో క్రేజీ ప్రాజెక్టును తలకెత్తుకున్నాడని బాలీవుడ్ మీడియాలో వార్తలు వస్తున్నాయి.

ఈమధ్యే ఆయన IMPPA(ఇండియన్ మోషన్ పిక్చర్స్ ప్రొడ్యూసర్స్ కౌన్సిల్) లో 'గంగుబాయి' అనే టైటిల్ ను రిజిస్టర్ చేయించారట. టైటిల్ ఇంట్రెస్టింగ్ గా ఉంది కదా? టైటిల్ మాత్రమే కాదు.. దానివెనకున్న స్టొరీ ఇంకా ఇంట్రెస్టింగ్ గా ఉంటుంది. ఈ సినిమా ముంబై లోని కామాటిపుర(రెడ్ లైట్ ఏరియా) లో అప్పట్లో ఫేమస్ అయిన గంగుబాయి కొఠెవాలి అనే బ్రోతల్ హౌస్ ఓనర్ జీవితం ఆధారంగా తెరకెక్కుతోందని టాక్ వినిపిస్తోంది. ముంబైలో ని బడాబాబుల పరిచయాలతో చాలా పవర్ ఫుల్ మహిళగా చెలామణి అయిందట. కానీ లాస్ట్ స్టేజ్ లో మాత్రం ఆ బిజినెస్ ను వదిలేసి సెక్స్ వర్కర్ల అభ్యున్నతి కోసం పాటుపడిందట. రెడ్ లైట్ ఏరియాలోని సెక్స్ వర్కర్స్ ఆమెకు ఎంతో గౌరవం ఇచ్చేవారట.

కొద్ది రోజుల క్రితం ఈ సినిమాకు 'హీరా మండి' అనే టైటిల్ పరిశీలిస్తున్నారని కూడా వార్తలు వచ్చాయి కానీ ఫైనల్ గా 'గంగుబాయి' అనే టైటిల్ ను తెరపైకి తీసుకు రావడం విశేషం. పద్మావత్ తర్వాత ఇంకా భన్సాలి తన కొత్త ప్రాజెక్టును ప్రకటించలేదు. ఆ ప్రాజెక్టు ఇదే అయి ఉంటుందని.. త్వరలో అధికారిక ప్రకటన ఉంటుందని ముంబై మీడియా టాక్. ఒకవేళ గంగుబాయి బయోపిక్ కనుక నిజమే అయితే సంచలనం సృష్టించడం ఖాయం.