సుహానా కోసం భన్సాలి - జోహార్లు రెడీ అంట!

నెపోటిజం అని బంధుప్రీతి అని పెద్దపెద్ద మాటలు ఎన్నో మాట్లాడతారు గానీ - శ్రీదేవి కూతురిని కరణ్ జోహార్ లాంచ్ చేస్తే అందరూ ఆమె గురించే మాట్లాడుకున్నారు. రీమేక్ పేరుతో ఒరిజినల్ సినిమాను ఖైమా కొట్టినా జనాలు జాన్వి జపం చేసి 'నెపోటిజాలు' లాంటి వాటిని మేం పట్టించుకోవడం లేదని హింట్ ఇచ్చారు. అదే జోహార్ కనుక ఊరు పేరు లేని అమ్మాయిని లాంచ్ చేస్తే జనాలు అందరూ అలా పట్టించుకునేవారా అంటే.. దానికి సమాధానం ఉండదు.

అందుకే జోహార్ మళ్ళీ ఇంకో స్టార్ కిడ్ సుహానా ఖాన్ ను పరిచయం చేసేందుకు సిద్దం గా ఉన్నాడట. జోహార్ ఒక్కడే కాదు.. సంజయ్ లీలా భన్సాలీ.. సుజోయ్ ఘోష్ లు కూడా సుహానా ను లాంచ్ చేస్తామని సుహానా ఫాదర్ అయిన షారూఖ్ ఖాన్ ను ఇప్పటికే సంప్రదించడం జరిగిందని బాలీవుడ్ మీడియా కోడై కూస్తోంది. షారూఖ్ - అయన భార్య గౌరి కి సుహానా ఎంట్రీ విషయం లో ఏమీ అభ్యంతరాలు లేవు కానీ, సినిమా ఫీల్డ్ ఎంట్రీ కంటే ముందు తన చదువు పూర్తి చేసుకుంటే బాగుంటుందని మాత్రం అనుకుంటున్నారట.

అసలు కరణ్ జోహార్ - సంజయ్ లీలా భన్సాలి లాంటి టాప్ మేకర్స్ తన కూతుర్ని పరిచయం చేస్తామని ముందుకు రావడంతో చాలా సంతోషంగా ఉన్నాడట. మరో వైపు సుహానా థియేటర్ యాక్టింగ్ లో కూడా షారూఖ్ ను ఇంప్రెస్ చేసిందట. ఇలా అన్నీ కలిసి రావడంతో మంచి స్టొరీని సెట్ చేసే ప్రయత్నాల్లో షారూక్ ఉన్నాడట. సో.. త్వరలో సుహానా డెబ్యూ సినిమా ప్రకటన వచ్చే అవకాశం ఉందట.

ఇక సుహానా ఇప్పటికే సోషల్ మీడియా లో ఒక స్టార్. తన ఫోటోషూట్స్ తో ఫాలోయర్స్ ను పెంచుకుంది. తన ఖరీదైన డ్రెస్సులు - యాక్సెసరీస్ తో ఎప్పుడూ సోషల్ మీడియా డిస్కషన్స్ లో హాట్ టాపిక్ అవుతూ ఉంటుంది.