ఈ అడ్వంచరస్ ట్రైలరేదో బాగుందే

గ్రాఫిక్స్ - విజువల్ ఎఫెక్టులతో కూడిన అడ్వెంచరస్ ఫిలిమ్స్ చేయాలంటే పెద్ద బడ్జెట్ ఉండాలి. పెద్ద నిర్మాతలుండాలి. స్టార్ కాస్ట్ ఉండాలి. దర్శకుడు అనుభవజ్నుడై ఉండాలి. కానీ ఇవేమీ లేకుండానే ఓ చిన్న సినిమా బృందం పెద్ద సాహసమే చేసింది. ‘సంజీవని’ పేరుతో తెరకెక్కిన ఓ చిన్న సినిమా ట్రైలర్ చూస్తే ఆశ్చర్యం కలగడం ఖాయం. నివాస్ క్రియేషన్స్ అనే చిన్న నిర్మాణ సంస్థ కొత్త నటీనటులతో.. ఓ అడ్వెంచరస్ ఫిల్మ్ రూపొందించింది. ఎత్తయిన మంచు పర్వతాల్లో ఓ బృందం ట్రెక్కింగ్ కు వెళ్లి అన్వేషణ సాగించే కథాంశంతో ఈ సినిమా తెరకెక్కింది.

విజువల్స్ చూస్తుంటే మాత్రం ఓ భారీ సినిమాకు దీటుగా ఉన్నాయి. ఏరియల్ షాట్స్ కానీ.. గ్రాఫిక్స్ కానీ.. రిచ్ గా కనిపిస్తున్నాయి. కొత్త నటీనటులతో ఓ కొత్త దర్శకుడు ఇలాంటి సాహసోపేత సినిమా తీయడం.. నిర్మాత ధైర్యంగా పెట్టుబడి పెట్టడం విశేషం. ఈ సినిమాలో ఏదో ఉంది అన్న ఫీలింగ్ కలిగించేలా ఉంది ట్రైలర్. అనురాగ్ దేవ్ - మనోజ్ చంద్ర - శ్వేత వర్మ తదితరులు నటించిన ఈ చిత్రాన్ని రవి వీడె రూపొందించాడు. నివాస్ నిర్మాత. కేకే శ్రావణ్ సంగీత దర్శకుడు.