Begin typing your search above and press return to search.
దీవాళి టీజర్: శంకరాభరణంలో హిట్టు కళ
By: Tupaki Desk | 11 Nov 2015 9:52 AM GMTయంగ్ హీరో నిఖిల్‌.. వరుసగా మాంచి పట్టున్న కథలనే ఎంచుకుంటున్నాడు. స్వామి రారా - కార్తికేయ - సూర్య వర్సెస్‌ సూర్య.. ఇప్పుడు శంకారభరణం. పూర్తి కామెడీ టచ్‌ తో కోన వెంకట్ ప్రొడక్షన్‌ లో నిఖిల్‌ చేస్తున్న ఈ సినిమా.. ఇప్పుడు టాక్‌ ఆఫ్‌ ది టౌన్‌అయిపోయింది.
ఇప్పటికే 'శంకరాభరణం' రిలీజ్‌ కావల్సి ఉంది. కోన వెంకట్ డైరక్షన్ లో.. సారీ ఆయన ప్రొడక్షన్‌లో కొత్త కుర్రాడు ఉదయ్‌ నందనవనం డైరక్షన్లో రూపొందిన ఈ సినిమా ట్రైలర్‌ కు మాంచి రెస్పాన్సే వచ్చింది. ఫస్‌ గయారే ఒబామా సినిమాకు రీమేక్‌ అని చెప్పి మరీ కోన దంచేస్తున్నాడు. ముఖ్యంగా సినిమాలోని కామెడీ మాత్రం ఇరగదీసినట్లుంది. ఈ మధ్య కాలంలో హిట్టు కొడుతున్న కామడీ గ్యాంగ్‌ అంతా ఇందులో ఉన్నారు. ఇప్పుడు దీపావళి సందర్భంగా ఓ కొత్త టీజర్ ను రిలీజ్‌ చేశాడు నిఖిల్‌. చూస్తుంటే ఈ సినిమా నిండా ఫైర క్రాకర్లే ఉన్నట్లున్నాయ్‌.
అందగత్తె అంజలి.. క్యూట్ నందిత.. కామెడీ రాజులు సప్తగిరి - రాజేష్‌.. ఇలా అన్ని టపాసులూ గట్టిగా పేల్తాయని ఈ కొత్త టీజర్ చూస్తే అర్ధమవుతోంది. ముఖ్యంగా అంజలి మాత్రం లేడీ డాన్‌ పాత్రలో రచ్చ చేసేలా ఉంది. మరి నిఖిల్‌ ఖాతాలో శంకరాభరణం మరో హిట్టు అనేసుకోమంటారా.. డిసెంబర్‌ 4 వరకు ఆగండి.. తెలుస్తుంది.
