సంక్రాంతి దర్శకులు.. ఎవరి బలమెంత?

2023 సంక్రాంతికి అగ్ర హీరోల నుంచి అతిపెద్ద సినిమాలు ప్రేక్షకుల ముందుకు రాబోతున్నాయి. వాల్తేరు వీరయ్య సినిమాతో పాటు నందమూరి బాలకృష్ణ వీరసింహారెడ్డి తమిళ హీరో విజయ్ వారసుడు సినిమా కూడా భారీ స్థాయిలోనే విడుదల కాబోతున్నాయి. ఇక ఈ సినిమాలకు సంబంధించిన అనేక రకాల విషయాలు ఇప్పుడు హాట్ టాపిక్ గా మారుతున్నాయి. అయితే కేవలం ఇది స్టార్ హీరోల మధ్యలో కొనసాగే ఫైట్ మాత్రమే కాదు. ముగ్గురు తెలుగు దర్శకుల మధ్యలో కొనసాగే ఫైట్ అని కూడా చెప్పవచ్చు.

ఇంతకుముందు ఈ ముగ్గురు దర్శకుల సినిమాలు సంక్రాంతికి వచ్చినవి కూడా ఉన్నాయి. గోపిచంద్ మలినేని 2020 సంక్రాంతికి క్రాక్ సినిమాతో బాక్సాఫీస్ వద్ద పవర్ఫుల్ విజయాన్ని అందుకున్నాడు. ఇక గతంలోనే సంక్రాంతి ఫెస్టివల్స్ లో డాన్ శీను, బలుపు, పండగచేస్కో వంటి సినిమాలు వచ్చి మంచి విజయాన్ని అందుకున్నాయి. ఇక ఇప్పుడు వీర సింహా రెడ్డి వస్తోంది.

ఇక బాబీ దర్శకత్వంలో వచ్చిన 4 సినిమాలు కూడా సంక్రాంతికి వచ్చినవి ఉన్నాయి. అందులో పవర్, వెంకీమామ సక్సెస్ కాగా సర్దార్ గబ్బర్ సింగ్, జై లవకుశ కమర్షియల్ గా అంతగా సక్సెస్ కాలేదు. ఇక ఇప్పుడు మెగాస్టార్ తో బాబీ డైరెక్ట్ చేసిన వాల్తేరు వీరయ్య ఎలాంటి ఫలితం అందుకుంటుందో చూడాలి.

మరో కమర్షియల్ దర్శకుడు వంశీ పైడిపల్లి దిల్ రాజు సపోర్ట్ తోనే సంక్రాంతికి 4 సినిమాలను తీసుకు వచ్చాడు. ఇక అందులో మున్నా ఫ్లాప్ కాగా, బృందావనం సూపర్ హిట్ గా నిలిచింది. ఇక ఎవడు, మహర్షి కూడా కమర్షియల్ గా కూడా హిట్ అయ్యాయి.

ఊపిరి సినిమా కూడా పరవాలేదు అనిపించింది. ఇక ఈ సంక్రాంతికి వంశీ విజయ్ తో వారసుడు అనే సినిమాతో రాబోతున్నాడు. ఈ సినిమాను కూడా దిల్ రాజు నిర్మిస్తున్న విషయం తెలిసిందే. ఇక ఈ ముగ్గురి కమర్షియల్ దర్శకుల్లో గోపిచంద్ మలినేని బాలకృష్ణతో మాస్ ఓపెనింగ్స్ హై రేంజ్ లో అందుకునే ఛాన్స్ ఎక్కువగా ఉంది. మరి ఈ ఫైట్ లో ఫైనల్ విన్నర్ ఎవరవుతారో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.