పవన్ సినిమా రీమేక్ కాదులే

పవన్ కళ్యాణ్ రీసెంట్ మూవీ కాటమరాయుడు.. తమిళ్ మూవీ వీరమ్ కు రీమేక్ అనే విషయం తెలిసిందే. ప్రస్తుతం త్రివిక్రమ్ తో సినిమా చేస్తున్న పవర్ స్టార్.. ఆ తర్వాత తమిళ దర్శకుడు నీసన్ తో ఓ మూవీ చేయాల్సి ఉంది. ఏఎం రత్నం నిర్మాణంలో రూపొందే ఈ చిత్రం.. కోలీవుడ్ మూవీ వేదాళంకు రీమేక్ అనే విషయాన్ని మేకర్స్ చెప్పేశారు.

వీటితో పాటు సంతోష్ శ్రీనివాస్ దర్శకత్వంలో పవన్ ఓ సినిమా చేస్తాడని టాక్ వినిపిస్తోంది. మైత్రీ మూవీ మేకర్స్ నిర్మించే ఈ సినిమా కూడా రీమేక్ అన్నారు. విజయ్ నటించిన తమిళ చిత్రం 'తెరి'(తెలుగులో పోలీసోడుగా రిలీజ్ అయింది)కి రీమేక్ అనుకున్నారంతా. అయితే.. సంతోష్ శ్రీనివాస్ దర్శకత్వంలో రూపొందే ఈ సినిమా.. ఓ మూవీకి రీమేక్ కాదని.. పవన్ కోసమే రూపొందించిన ఒరిజినల్ స్టోరీ అని తెలుస్తోంది. మైత్రీ మూవీ మేకర్స్ ప్రతిష్టాత్మంగా రూపొందిచనున్న ఈ చిత్రం.. స్ట్రెయిట్ సినిమానే అని చెబుతున్నారు సినీ జనాలు.

రామ్ తో హైపర్ అంటూ భారీ ఫ్లాప్ చిత్రాన్ని తీసిన దర్శకుడు సంతోష్ శ్రీనివాస్ కు.. ఆ తర్వాతి చిత్రం పవన్ లాంటి పెద్ద స్టార్ తో చేసే ఛాన్స్ రావడాన్ని మాత్రం ప్రత్యేకంగా చెప్పుకోవాల్సిందే.

Like Us on Facebook : https://www.facebook.com/Tupakidotcom/