సంపత్ కి హ్యాట్ ట్రిక్ వచ్చేసినట్టే...

అమీర్ పెట్ హాస్టళ్ళ ముడి సరుకుతో ఏమైంది ఈ వేళ వంటి బోల్డ్ మూవీని తెరకెక్కించి యువతకు చేరువైన సంపత్ నంది రెండో చిత్రంతోనే రామ్ చరణ్ తో రచ్చ వంటి మాస్ ఎంటర్టైనర్ తెరకెక్కించే ఛాన్స్ కొట్టేశాడు. రచ్చ చరణ్ కెరీర్ లో ఇప్పటికీ మగధీర తరువాత బిగ్గెస్ట్ హిట్ గా నిలిచింది.

అయితే కొన్ని అనివార్య పరిస్థితుల నడుమ సంపత్ కెరీర్ లో రెండేళ్ళు వ్యర్ధమయ్యాయి. ఇంక ఆలస్యం చేయకుండా తనకు తెలిసిన మాస్ మాసాలాకి కామెడి తాలింపును అద్ది బెంగాల్ టైగర్ తెరక్కించాడు. నిజానికి ఇది పక్కా రొటీన్ సినిమానే అయినా రవితేజ యాక్షన్, మరే సినిమా కాంపిటీషన్ లేకపోవడంతో టైగర్ జోరు కొనసాగిస్తుంది.

ఇరు తెలుగు రాష్ట్రాలలో మొదటిరోజే దాదాపు 6కోట్లు సంపాదించి రోరింగ్ హిట్ అంటూ ప్రచారం చేసుకుంటున్న ఈ సినిమాకు ఇప్పట్లో అడ్డంకులు లేవు గాబట్టి 30 కోట్ల మార్కు ఈజీగా దాటుతుందని అంచనా. ఈ లెక్కన చూసుకుంటే విమర్శలు, పబ్లిక్ టాక్ లు ఎలా వున్నా సంపత్ కి హ్యాట్ ట్రిక్ మాత్రం సొంతమైనట్టే అనిపిస్తుంది.