ఖైదీ దగ్గరకి సప్తగిరి ఎందుకంటే!!

కమెడియన్ అయినా.. ధైర్యంగా హీరోగా అడుగులు వేసి సప్తగిరి ఎక్స్ ప్రెస్ అంటూ మంచి వసూళ్లే రాబట్టాడు సప్తగిరి. ఈ మూవీకి టాక్ ఎలా ఉన్నా.. కంటెంట్ లేదని పెదవి విరిచినా.. నెగిటివ్ రివ్యూలు పడినా.. మల్టీప్లెక్స్ ఆడియన్స్ మెచ్చకపోయినా.. విపరీతంగా కలెక్షన్స్ వచ్చాయంటే మాత్రం.. అదంతా మెగా మాయ అనడంలో ఆశ్చర్యం అక్కర్లేదు.

ప్రస్తుతం విమర్శలను బేస్ చేసుకుని కాకుండా.. కలెక్షన్స్ ఆధారంగా రిజల్ట్ తేలుస్తున్నారు కాబట్టి.. సప్తగిరి ఎక్స్ ప్రెస్ హిట్ కిందే లెక్క. అందుకే తన సినిమా ఇంత పెద్ద హిట్ కావడంతో.. తనకు ఎంతో స్ఫూర్తి.. తను ఎంతగానో అభిమానించే మెగాస్టార్ చిరంజీవిని కలిసి ఆశీర్వచనాలు అందుకున్నాడు సప్తగిరి. బీ సీ సెంటర్స్ లో సప్తగిరి ఎక్స్ ప్రెస్ ఇరగదీసి ఆడేయడంలో.. మెగాఫ్యాన్స్ నుంచి లభించిన సపోర్ట్ ను తక్కువ అంచనా వేయలేం. సినిమాలో మెగాస్టార్.. పవర్ స్టార్ లను ఓ రేంజ్ లో వాడేసి మరీ మెగా ఫ్యాన్స్ కి మెప్పించేశాడు.

సినిమాలో ఏంటి.. దానికి ముందు ఆడియో ఫంక్షన్ లోను ఇటు చిరంజీవిని.. అటు పవన్ కళ్యాణ్ ని దేవుళ్లను చేసేసి.. తాను వారికి ఎంత అభిమానినో భక్తుడినో అనేశాడు కూడా. మరి అంతగా ఆరాధించినందుకే కదా.. ఇప్పుడు సోలోగా పెద్ద హిట్ కొట్టగలిగాడు. ఇప్పుడు ఖైదీని కలిసి బ్లెస్సింగ్స్ అందుకున్నానని చెబుతున్నాడు సప్తగిరి.

Like Us on Facebook : https://www.facebook.com/Tupakidotcom/