ప‌వ‌న్ పిలిస్తే వెళ్లిపోతానంటున్న హీరో

క‌మెడియ‌న్ క‌మ్ హీరో పాత్ర‌లు వేస్తున్న ప్ర‌ముఖ న‌టుడు స‌ప్త‌గిరి ఆసక్తిక‌ర వ్యాఖ్య‌లు చేశారు. ఇటీవ‌ల ఆయ‌న న‌టించిన స‌ప్త‌గిరి ఎల్ ఎల్‌ బి చిత్రం స‌క్సెస్ టూర్‌ ను చిత్ర బృందం నిర్వ‌హిస్తోంది. త‌మ చిత్ర విజ‌యోత్స‌వాల్ని ఘ‌నంగా నిర్వ‌హించాలంటూ ప‌లు ప్రాంతాల్లో ప‌ర్య‌టిస్తోంది. ఇందులో భాగంగా శ‌నివారం స‌ప్త‌గిరి సొంత జిల్లా అయిన చిత్తూరులో ప‌ర్య‌టించారు.

చిత్తూరులోని ఎమ్మెస్సార్ థియేట‌ర్ ను సంద‌ర్భించిన సంద‌ర్భంగా హీరో స‌ప్త‌గిరి ఆస‌క్తిక‌ర వ్యాఖ్య‌లు చేశారు. ప‌వ‌న్ క‌ల్యాణ్ గురించి మీడియా అడిగిన ప్ర‌శ్న‌ల‌కు స్పందిస్తూ.. ప‌వ‌ర్ స్టార్ ప‌వ‌న్ క‌ల్యాణ్ ఎప్పుడూ త‌న గుండెల్లో ఉంటార‌న్నారు. చిత్తూరు జిల్లా నుంచి వెళ్లిన వ్య‌క్తి హీరో అవుతున్నాడంటే.. అందుకు కార‌ణంగా ప‌వ‌నేన‌ని.. స‌ప్త‌గిరి ఎక్స్ ప్రెస్ మూవీ ఆడియో ఫంక్ష‌న్లో త‌మ్ముడు నీకు నేనున్నానని ఆయ‌న అభ‌య‌మిచ్చార‌న్నారు.

ప‌వ‌న్ మీద త‌న‌కున్న అభిమానాన్ని స‌ప్త‌గిరి పొంగించిన వేళ‌.. ఆయ‌న‌కు మీడియా మ‌రో ప్ర‌శ్న‌ను సంధించింది. మ‌రి.. ప‌వ‌న్ క‌ల్యాణ్ పార్టీలోకి వెళ‌తారా? అన్న ప్ర‌శ్న‌కు బ‌దులిస్తూ.. రాజ‌కీయాల‌పై త‌న‌కు అంత అనుభ‌వం లేద‌ని.. అయితే ప‌వ‌న్ క‌ల్యాణ్ కానీ త‌న వెంట ఉండాల‌ని కోరుకుంటే తాను వంద శాతం రాజ‌కీయాల్లోకి వెళ‌తాన‌న్నారు. ప‌వ‌న్ సార్ పిలిస్తే వంధ శాతం రాజ‌కీయాల్లోకి వెళ‌తాన‌న్న స‌ప్త‌గిరి వ్యాఖ్య‌లు ఇప్పుడు ఆస‌క్తిక‌రంగా మారాయి.

క‌మెడియ‌న్ గా ఎంట్రీ ఇచ్చి.. స్వ‌ల్ప వ్య‌వ‌ధిలోనే అంద‌రి నోట నానుతున్న స‌ప్త‌గిరికి.. హీరోగా అవ‌కాశాలు వ‌స్తున్నాయి. ఇలాంటి వేళ‌.. ప‌వ‌న్ మీద ఉన్న అభిమానంతో ఆయ‌న పిలిస్తే పాలిటిక్స్ లోకి వెళ‌తాన‌న్న సప్త‌గిరి వ్యాఖ్య‌లు ఇప్పుడు అంద‌రి దృష్టిని ఆక‌ర్షిస్తున్నాయి.