సిటాడెల్ కి యువ‌ర‌క్తం ఎక్కిస్తున్న రాజ్ అండ్ డీకే

ద‌ర్శ‌క‌నిర్మాతల‌ ద్వయం రాజ్ నిడిమోరు - కృష్ణ డికె ప్ర‌స్తుతం భారీ మిష‌న్ తో బిజీగా ఉన్న సంగ‌తి తెలిసిందే. వరుణ్ ధావన్ - సమంతా రూత్ ప్రభు వంటి టాప్ స్టార్ల‌తో `సిటాడెల్` (అమెరికా సిరీస్ కి భార‌తీయ వెర్ష‌న్) మోస్ట్ ఎవెయిటింగ్ ప్రాజెక్ట్ లలో ఒకటిగా మారింది. దర్శకులు ప్రీ-ప్రొడక్షన్ పనిని ప్రారంభించగా నటీనటులు కూడా తమ పోర్ష‌న్ల‌ కోసం ప్రిపరేష‌న్ ప్రారంభించారు.

ఎందుకంటే వారు షోలో కొన్ని హై-ఆక్టేన్ యాక్షన్ సన్నివేశాలలో కనిపించాల్సి ఉంటుంది. రిస్క్ ఫ్యాక్ట‌ర్ కూడా ఎక్కువే. తాజా స‌మాచారం మేర‌కు ఈ సిరీస్ లో కొత్త న‌టుడు ప్ర‌వేశించాడు. యంగ్ ట్యాలెంట్ సాకిబ్ సలీమ్ ఈ టీమ్ కి యాడ‌య్యాడు.

సాకిబ్ ఇటీవలే టీమ్ లోకి వచ్చాడు.. షోలో చాలా ముఖ్యమైన పాత్ర పోషిస్తాడు. తన వంతుగా ప్రిపరేషన్ కూడా మొదలుపెట్టాడు. నవంబర్ ద్వితీయార్ధం నుండి రాజ్ అండ్ డికె షూటింగ్ ప్రారంభించాలని భావిస్తున్నారు. ముంబైలో చిత్రీకరణ ప్రారంభించనుండగా విదేశాల్లోని కొన్ని దేశాల్లో కూడా ఈ షోను చిత్రీకరించనున్నారు. చిత్రనిర్మాతలు లొకేష‌న్ల‌ను ఖరారు చేసే ప్రక్రియలో ఉన్నారు. అదే సమయంలో వారు సిటాడెల్ లో ఇతర కీలక పాత్రల కోసం నటీనటులను లాక్ చేస్తున్నార‌ని తెలిసింది.

ఆసక్తికరంగా వరుణ్ - సాకిబ్ గతంలో రోహిత్ ధావన్ (వ‌రుణ్ సోద‌రుడు) డిషూమ్ లో కలిసి పనిచేశారు. అందులో సాకిబ్ క్రికెటర్ గా కనిపించాడు. అలాగే వరుణ్ ధావ‌న్ త్వరలో అమర్ కౌశిక్ సార‌థ్యంలోని `భేదియా` ప్రమోషన్లలోను బిజీ కానున్నాడు. 25 నవంబర్ 2022న ఈ చిత్రం విడుదల‌ తర్వాత సిటాడెల్ షూటింగ్ ను ప్రారంభిస్తాడు.

సమంత తదుపరి గుణశేఖర్ `శాకుంతలం` .. హరి-హరీష్ తెర‌కెక్కించిన‌ యశోద చిత్రాల రిలీజ్ ప్ర‌మోష‌న్స్ కి సిద్ధ‌మ‌వుతోంది. అలాగే సామ్ విక్కీ కౌశల్ తో తదుపరి చిత్రం చేయాల్సి ఉంటుంది. ఆదిత్య ధర్ దర్శకత్వం వహించనున్న `ది ఇమ్మోర్టల్ అశ్వత్థామ` కోసం కూడా తిరిగి ప‌ని ప్రారంభం కానుంది. వచ్చే వేసవిలో సెట్స్ పైకి వెళ్లాలని భావిస్తున్నారు.