కేధార్ నాథ్ యాత్ర‌లో న‌ట‌వార‌సురాళ్ల ప‌ర‌వ‌శం

కొండ‌లు కోన‌లు గుట్ట‌లు దాటుకుని వెళ్లాలి. మంచు ప‌ర్వ‌తాల వాలుగా క‌ఠిన‌మైన ఇరుకు రోడ్ల పైన ప్ర‌యాణించాలి. విమాన మార్గంతో పాటు కార్ ప్ర‌యాణం ఉంటుంది. అయినా అలాంటి సాహ‌సాలు త‌మ‌కు ఎంతో ఇష్టం అని చెబుతున్నారు ఈ న‌టవార‌సురాళ్లు. బాలీవుడ్ నాయిక‌లు సారా అలీఖాన్ - జాన్వీ కపూర్ తరచూ జిమ్ యోగా సెష‌న్స్ లో కలిసి చాలా సన్నిహితంగా ఉంటారు. జిమ్  యోగాలో మాత్ర‌మే స్నేహితులు కాదు. వారు త‌మ సినిమాల ప్ర‌మోష‌న్స్ కి క‌లుస్తుంటారు. ఇప్పుడు విహార‌యాత్ర‌ల‌కు క‌లిసే వెళుతున్నారు. ఇప్పుడు మరోసారి వీరిద్దరూ కేధార్ నాథ్ యాత్రకు వెళ్లారు.

ఈ ప‌ర్య‌ట‌నకు సంబంధించిన ఫోటోలు ప్ర‌స్తుతం అంత‌ర్జాలంలో వైర‌ల్ గా మారాయి. ఓవైపు ఎత్తైన ప‌ర్వ‌తాల నుంచి పారుతున్న హిమానీ న‌దాలు.. వెండి మ‌బ్బుల్లా క‌నిపిస్తున్న మంచు కొండ‌లు ప్ర‌తిచోటా ర‌క‌ర‌కాల భంగిమ‌ల్లో ఈ స్నేహితురాళ్లు ఫోటోలు దిగారు. ఇది ఎప్ప‌టికీ మ‌ర‌చిపోలేని అనుభ‌వం .. గొప్ప ఆనందం త‌మ సొంతం అవుతోంది. వారు ఇటీవల రణవీర్ సింగ్ హోస్ట్ చేసిన టీవీ క్విజ్ షో ది బిగ్ పిక్చర్ లో కలిసి కనిపించారు. వెరైటీ గెట‌ప్పుల‌తో అభిమానులను విస్మయానికి గురి చేశారు.

కేధార్ నాథ్ డైరీస్ పేరుతో ప్ర‌స్తుతం ఈ ఫోటోలు వైర‌ల్ అవుతున్నాయి.  సారా అలీ ఖాన్ -జాన్వీ కపూర్ ఇద్దరూ ప్రముఖ ఫిట్ నెస్ ట్రైనర్ నమ్రతా పురోహిత్ వద్ద శిక్షణ పొందుతున్నారు. వీళ్లు 2018లో బాలీవుడ్ లోకి అడుగుపెట్టారు. ప్ర‌స్తుతం పెద్ద స్టార్లు అయిపోయారు. కెరీర్ ప‌రంగా క్ష‌ణం తీరిక లేనంత బిజీగా ఉన్నారు. సోష‌ల్ మీడియాల్లో ఈ భామ‌లిద్ద‌రికీ అసాధార‌ణ ఫాలోయింగ్ ఉంది. ఇక ఈ భామామ‌ణుల జిమ్ యోగా సెష‌న్స్ వీడియోలు ఫోటోల కోసం ఫోటోగ్రాఫ‌ర్లు వెంటాడుతుంటార‌న్న సంగ‌తి తెలిసిందే. మీడియా ఫ్రెండ్లీ బ్యూటీస్ గానూ ఆ ఇద్ద‌రూ పాపుల‌ర‌య్యారు. జాన్వీ ప్ర‌స్తుతం మూడు నాలుగు సినిమాల్లో న‌టిస్తూ బిజీగా ఉండ‌గా.. సారా అలీఖాన్ రెండు చిత్రాల్లో న‌టిస్తోంది.