కుర్ర గుండెలను అల్లరి పెడుతున్న 'కూలీ నెం.1' సుందరి..!!

బాలీవుడ్ కుర్ర భామ సారా అలీఖాన్.. గురించి సినీ ప్రియులకు ప్రత్యేకంగా పరిచయం అక్కర్లేదు. రాను రాను అమ్మడు బాలీవుడ్ రెగ్యులర్ స్టార్ హీరోయిన్లకు పోటీగా నిలవనుందని మాత్రం ఈజీగా అర్ధమవుతుంది. సైఫ్ అలీఖాన్ కూతురుగా ఇండస్ట్రీలో అడుగు పెట్టిన సారా.. ప్రస్తుతం తనకంటూ ప్రత్యేక గుర్తింపు తెచ్చుకునే ప్రయత్నం చేస్తోంది. అటు గ్లామర్ పరంగా ఇటు యాక్టింగ్ పరంగా అమ్మడు రెచ్చిపోతుందని చెప్పాలి. 2018లో విడుదలైన ‘కేదార్‌నాథ్’ సినిమాతో వెండితెర మీద అడుగుమోపిన సారా ఇప్పుడు కుర్రకారు కలలరాణిగా ఆదరణ పొందుతోంది. మొదటి సినిమా ఫర్వాలేదనిపించినా.. ఆ తర్వాత రణ్‌వీర్ సింగ్‌కు జోడీగా నటించిన ‘సింబా’తో సారా బ్లాక్ బస్టర్ హిట్ తన ఖాతాలో వేసుకుంది. ఇక సింబాతో సారా విపరీతమైన క్రేజ్ సొంతం చేసుకుంది. అదే ఊపులో ఈ ఏడాది కార్తీక్ ఆర్యన్ సరసన ‘లవ్ ఆజ్ కల్’ సినిమా చేసింది. ఆ సినిమాలో అమ్మడి నటనకు విమర్శకుల ప్రశంసలు దక్కించుకుంది.

ప్రస్తుతం నాజూకుగా ఉన్న సారాను చూసి దేశవ్యాప్తంగా యువత మనసు పారేసుకుంటుంది. ఇక తాజాగా క్రిస్మస్ కానుకగా సారా నటించిన 'కూలి నెంబర్ 1' విడుదలైంది. కుర్ర హీరో వరుణ్ ధావన్ సరసన సారా అనేసరికి సోషల్ మీడియాలో ఈ పెయిర్ ట్రెండ్ అవుతోంది. సారాకి సోషల్ మీడియాలో కోటి పైనే ఫాలోవర్లు ఉన్నారు. సినిమాలలోకి రాకముందు అమ్మడు ఎంత లావుగా ఉండేదో ఇప్పుడు అంత నాజూకుగా మురిపిస్తోంది. అసలు తను హీరోయినుగా కాదు కదా.. క్యారెక్టర్ ఆర్టిస్టుగా కూడా సక్సెస్ అవుతుందో లేదో అనుకున్న వారందరూ సారా అందాలకు దాసోహం అంటున్నారు. తాజాగా ఇంస్టాగ్రామ్ లో సారా ఒక స్మైలింగ్ పిక్ పోస్ట్ చేసింది. వాస్తవానికి ఆ ఫోటోలో అమ్మడిని చూస్తే కళ్లు తిప్పుకోలేరు. అంత ముద్దుగా కుర్ర గుండెలను అల్లరి పెడుతోంది ఈ సుందరి. ప్రస్తుతం ఆ పిక్ నెట్టింట వైరల్ అవుతోంది.