ఫోటో స్టొరీ: ఆ సారా ఈ సారానేనా..?

ప్రస్తుతం బాలీవుడ్ లో ఉన్న హీరోయిన్లలో చాలామంది స్టార్ కిడ్సే. ఇప్పుడు వారందరూ జీరో సైజ్ లో ఉన్నారు కానీ సినిమాల్లోకి ఎంట్రీ ఇవ్వకముందు ప్లస్ సైజ్ భామలే. సోనమ్ కపూర్.. సోనాక్షి సిన్హా.. సారా అలీ ఖాన్ పాత ఫోటోలు చూస్తే ఆ విషయం మనకు అర్థం అవుతుంది. రీసెంట్ గా ఈ బ్యాచ్ లో ఒకరైన సారా ఆలీ ఖాన్ తన పాత ఫోటో ఒకటి పోస్ట్ చేసి అందరికీ షాక్ ఇచ్చింది.

సారా తన ఇన్స్టా ఖాతా ద్వారా ఒక ఫోటో పోస్ట్ చేస్తూ "త్రోబ్యాక్ టు.. వెన్ ఐ కుడుంట్ బీ త్రోన్ #బ్యూటీ ఇన్ బ్లాక్' అంటూ క్యాప్షన్ ఇచ్చింది. అనువాదంలో ఒక్కోసారి సోల్ మిస్ అవుతుంది అంటారు కదా. ఇది అలాంటిదే. తెలుగులో చెప్పుకుంటే "ఫ్లాష్ బ్యాక్ ఫోటో నేన్ను ఎవరూ ఎత్తి పారేయలేని సమయంలో". ఇక ఇంగ్లీష్ వచ్చిన వారికే ఆ ఇంగ్లీష్ సెంటెన్స్ లోని శ్లేష.. చెణుకు అర్థం అవుతాయి. సరే.. దాన్ని పక్కనపెడితే.. ఈ ఫోటోలో అమ్మగారు అమృతా సింగ్ తో ఒక స్వీట్ పోజిచ్చింది సారా. కరెక్ట్ గా చెప్తే జంబో సైజ్ లో ఉంది. మరి ఇప్పుడేమో సారా బరువు జస్ట్ 55. అయితే అప్పటి అధిక బరువుకు కారణం గైనిక్ ఇష్యూస్ అని గతంలో ఒక ఇంటర్వ్యూలో వెల్లడించింది. ఎప్పుడైతే సినిమాలలో హీరోయిన్ గా కెరీర్ ను ఎంచుకుందో అప్పటి నుంచి ఆరోగ్యకరమైన డైట్ ను ఫాలో కావడం.. క్రమం తప్పకుండా ఎక్సర్ సైజులు చేయడం మొదలు పెట్టి పర్ఫెక్ట్ వెయిట్ ను సాధించిందట. ఏదేమైనా సారా ఎంతో మంది అధిక బరువుతో బాధ పడుతున్న వారికి ఈ విషయంలో ప్రేరణనిస్తుందనడంలో సందేహం లేదు. ఇంత ఇన్స్పిరేషన్ కనిపిస్తున్నా ఇంకా కొందరు 'మా జీన్స్ అంతే.. మాది డెనిమ్ ఫ్యామిలీ' అని వారి మనసుకు వారు సర్దిచెప్పుకుంటే ఏం చేయలేం..!

ఈ ఫోటోకు ఇన్స్టా లో భారీ స్పందన వచ్చింది. శ్రద్ధ కపూర్ "నీదో అద్భుతమైన ప్రయాణం.. హ్యాట్స్ ఆఫ్ సారా" అంటూ అభినందించింది. హుమా ఖురేషి లాంటి ఎంతో మంది బాలీవుడ్ బ్యూటీలు ఈ ఫోటోకు లైక్స్ కొట్టారు. చాలామంది సాధారణ నెటిజన్లు అసలు ఈ ఫోటోలో ఉన్నది "నిజంగా సారా నేనా?" అని అనుమానం వ్యక్తం చేశారు. చాలామంది సారా దృఢ సంకల్పాన్ని.. బరువు తగ్గించుకునేందుకు చేసిన ప్రయత్నాన్ని మెచ్చుకున్నారు. ఇక సినిమాల విషయానికి వస్తే సారా ప్రస్తుతం ఇంతియాజ్ అలీ దర్శకత్వంలో ఒక సినిమాలో నటిస్తోంది. ఈ సినిమాలో హీరో కార్తీక్ ఆర్యన్.