ఎక్క‌డున్నా స‌రే సారా పంచ్ ప‌డాల్సిందే!

సెలబ్రిటీలు ఫిట్ నెస్ విషయంలో ఎంతో కేర్ తీసుకుంటారు. కఠోర సాధనతో అందం ఆరోగ్యాన్ని కాపాడుకునేందుకు ఎంతో శ్ర‌మిస్తారు. శిల్పా శెట్టి.. ఐశ్వర్యారాయ్.. కరీనా కపూర్ లాంటి స్టార్లు నవతరం భామ‌ల్లో మ‌రింత‌ స్ఫూర్తి నింపుతున్నారు. వయసుతో సంబంధం లేకుండా కఠోర వ్యాయామం చేయడం నిరంతరం హాట్ టాపిక్. వీళ్ల బాటలోనే బాలీవుడ్ యంగ్ బ్యూటీ సారా అలీఖాన్ కూడా కఠోరంగా శ్రమిస్తోంది.

శరీరాన్ని విల్లులా బెండు చేయ‌గ‌ల గొప్ప పిట్ నెస్ ప్రీక్. జిమ్లో సింపుల్ ఎక్స‌ర్ సైజ్ ల‌తో పాటు..క‌ఠోర‌మైన బాక్సింగ్ పంచ్ లు సైతం విసురుతుంది. రింగ్ లో కి బాక్స‌ర్ లా తయారై పంచ్ షాట్ లు చేతుల‌తో..కాళ్ల‌తో ప్రాక్టీస్ చేస్తోంది. హిప్ ని బంతిలా రౌండుగా తిప్ప‌డం సారా ప్ర‌త్యేక‌త‌. ఇక యోగా క్లాస్ ల‌కి సైతం క్ర‌మం త‌ప్ప‌కుండా హాజ‌ర‌వుతుంది.

ఇండియాలో ఉంటే ఇవ‌న్నీ సారా జీవితంలో నిత్య‌కృత్యాలు. మ‌రి దేశం విడిచి వెళ్లినా సారా ఇవే జాగ్ర‌త్త‌లు..ఇదే టైమ్ టైబుల్ ని ఫాలో అవుతుందా? అంటే అవున‌నే తెలుస్తోంది. ప్ర‌స్తుతం సారా అలీఖాన్ ముంబైలో ఉంది. వ్య‌క్తిగ‌త ప‌నిమీద అమెరికాకి వెళ్లాల్సి వ‌స్తే వెళ్లింది. అక్క‌డ ఉన్నా స‌రే ముంబై లైఫ్ ని మిస్ కాద‌ని తెలుస్తోంది.

ఫిట్ నెస్ విష‌యంలో ముంబై..అమెరికా అయినా ఒక‌టే టైమ్ టేబుల్ అంటూ దూసుకుపోతుంది. తాజాగా అమెరికా నుంచి రెండు ఫోటోల్ని ఇన్ స్టాలోకి వ‌దిలింది. బాక్స‌ర్ లా రెడీ అయి చేతికి గ్లౌస్ వేసుకుని పంచ్ లు విస‌ర‌డం ప్రాక్టీస్ చేస్తుంది.

లేత నీలం రంగు స్పోర్ట్స్ బ్రాలెట్‌తో పాటు షార్ట్‌లు - స్నీకర్స్‌తో ఆడుతూ కనిపించింది. మరో ఫోటోలో.. సారా ట్రెడ్‌మిల్స్ ముందు నిలబడి బరువులు ఎత్తడం చూడొచ్చు. ఇలా దేశం దాటినా సారా డైలీ లైఫ్ కేరింగ్ మాత్రం త‌ప్ప‌ని స‌రి అని తెలుస్తుంది.

సారా అలీఖాన్ సినిమాల విష‌యానికి వ‌స్తే ప్ర‌స్తుతం రెండు ప్రాజెక్ట్ లు చేతిలో ఉన్నాయి. ఇటీవ‌లే ల‌క్ష్మ‌ణ్ ఉట్టేక‌ర్ సినిమా షూటింగ్ పూర్తిచేసింది. `గ్యాస్ లైట్` అనే మ‌రో చిత్రంలో న‌టిస్తుంది. ప్ర‌స్తుతం ఈ సినిమా ఆన్ సెట్స్ లో ఉంది. ఇంకా ప‌లు ప్రాజెక్ట్ లు చ‌ర్చ‌ల ద‌శ‌లో ఉన్నాయి. బ్యూటీ త్వ‌ర‌లో టాలీవుడ్ లోనూ తెరంగేట్రం చేసే ఛాన్స్ ఉంది.