తమ్ముడితో కలిసి వర్కౌట్స్ చేస్తున్న బాలీవుడ్ బ్యూటీ..!

సైఫ్ అలీఖాన్ - అమృతా సింగ్‌ లకు పుట్టిన పిల్లలు సారా అలీఖాన్ మరియు ఇబ్రహీం అలీఖాన్. వీరిద్దరూ బ్రదర్ అండ్ సిస్టర్స్ లా కాకుండా ఫ్రెండ్స్ గా ఉంటారన్న విషయం అందరికి తెలిసిందే. వీరు సోషల్ మీడియాలో పోస్ట్ చేసిన ఫోటోలు చూసిన బ్రదర్ అండ్ సిస్టర్స్ వీరిలా ఉంటే బాగుంటుందని ఆశ పడుతుంటారు. ఎందుకంటే పర్ఫెక్ట్ సిబ్లింగ్స్ గా ఉంటారు సారా అలీఖాన్ మరియు ఇబ్రహీం అలీఖాన్. అయితే వీరు ఇంత క్లోజ్ గా ఉండటం అప్పుడప్పుడు విమర్శలకు కూడా గురవుతుంటారు. గతంలో ఇబ్రహీం అలీఖాన్ బర్త్ డే సందర్భంగా సారా అలీఖాన్ పోస్ట్ చేసిన ఫోటోపై నెటిజన్లు ట్రోల్ చేసిన విషయం తెలిసిందే. సారా అలీఖాన్ బికినీ ధరించి తమ్ముడితో దిగిన ఫోటో అది. అక్కాతమ్ముడు బికినీలో ఏంటి? అలా చేయి వేయడం ఏంటి? బికినీలో ఉన్న మొదటి అక్కాతమ్ముడు మీరే.. మీకు ఈ సందర్భంలో షేర్ చేయడానికి ఇలాంటి ఫోటోనే దొరికిందా.. ఓ ఫోటో చూస్తే అందులో ఉన్న అబ్బాయి, అమ్మాయిల మధ్య ఉన్న సంబంధం ఏంటో చెప్పండి.. అంటూ విపరీతంగా కామెంట్స్ చేసారు. అయినా సరే సారా అలీఖాన్ మాత్రం తమ మధ్య బంధం ఏమిటో తెలుసన్నట్లుగా అవి పెద్దగా పట్టించుకోలేదు. సోష‌ల్ మీడియాలో చురుకుగా ఉంటూ ఎప్పటికప్పుడు వారి ఫోటోలను పోస్ట్ చేస్తూనే ఉంది సారా.

లాక్ డౌన్ కారణంగా ఇంటికే పరిమితమైన ఈ అక్కా తమ్ముడు సోషల్ మీడియాలో రకరకాల వీడియోలను ఫోటోలను పోస్ట్ చేస్తూ వస్తున్నారు. మొన్న త‌న సోదరుడు ఇబ్ర‌హీం అలీఖాన్, త‌ల్లి అమృతాసింగ్ తో క‌లిసి స‌ర‌దాగా గడిపిన ఫన్నీ వీడియో పోస్ట్ చేసిన సారా ఇప్పుడు లేటెస్టుగా తన తమ్ముడితో కలిసి వర్కౌట్స్ చేస్తున్న ఫోటో ఇంస్టాగ్రామ్ లో పోస్ట్ చేసింది. సారా పైలేట్స్ టీ షర్ట్ అండ్ షార్ట్ ధరించగా.. ఇబ్రహీమ్ మాత్రం షర్ట్ లేకుండా కేవలం షార్ట్ ధరించి వర్కౌట్ చేస్తున్నారు. స్టే హోమ్ స్టే సేఫ్.. హ్యాపీ వీకెండ్.. అంటూ కామెంట్ జతచేసింది సారా. మొత్తం మీద లాక్ డౌన్ కారణంగా జిమ్ వరౌట్స్ మిస్ అయిన సారా తన బ్రదర్ తో కలిసి ఇంట్లోనే వర్కౌట్స్ చేస్తూ టైంపాస్ చేస్తోంది. సారా అలీఖాన్ పోస్ట్ చేసిన ఈ ఫోటో సోషల్ మీడియాలో వైరల్ అయింది.