ముంబై వీధుల్లో స్టార్ కిడ్ హ‌ల్‌ చ‌ల్‌

ముంబై వీధుల్లో స్టార్ కిడ్ హ‌ల్‌చ‌ల్ చేసింది. ఓ సాధార‌ణ యువ‌తిలా రోడ్ల‌పై కాలిన‌డ‌క‌న వాకింగ్ చేస్తూ క‌నిపించింది. ముఖానికి మాస్క్ ధ‌రించినా కెమెరా కంటికి చిక్కింది. దీంతో కెమెరామెన్‌లు త‌మ కెమెరాల‌కి ప‌ని క‌ల్పించారు. ముంబై వీధుల్లో హ‌ల్‌ చ‌ల్ చేసిన ఆ స్టార్ కిడ్ మ‌రెవ‌రో కాదు సైఫ్ అలీఖాన్ ముద్దుల కూతురు సారా అలీఖాన్‌. కోవిడ్ త‌గ్గుముఖం ప‌ట్టిన ద‌గ్గ‌రి నుంచి బాలీవుడ్ స్టార్స్ త‌మ దైనందిన కార్య‌క్ర‌మాల కోసం బ‌య‌టికి వ‌స్తున్నారు.

డైలీ వ‌ర్క‌వుట్స్ కోసం రోడ్డెక్కుతున్న స్టార్స్ నిత్యం మీడియా కంటికి చిక్కి వార్త‌ల్లో నిలుస్తున్న విష‌యం తెలిసిందే. సినిమాల కంటే సోష‌ల్ మీడియా ద్వారా పాపుల‌ర్ అవుతున్న బ్యూటీ సారా అలీఖాన్ తాజాగా మీడియా కంటికి చిక్కింది. వ్య‌క్తిగ‌త అవ‌స‌రాల కోసం ముంబై వీధుల్లోకి సాధార‌ణ యువ‌తిలా ముఖానికి మాస్క్ వైట్ టాప్ టీష‌ర్ట్‌.. డెనిమ్ షార్ట్ ధ‌రించి క‌నిపించింది. ఇంకేముంది ఫొటోగ్రాఫ‌ర్లు త‌మ కెమెరా కంటితో సారా అందాల‌ని బంధించ‌డం మొద‌లుపెట్టారు.

ప్ర‌స్తుతం ఈ ఫొటోలు నెట్టింట సంద‌డి చేస్తున్నాయి. క్యాజువ‌ల్ ఫుట్ వేర్ ధ‌రించి ఫుట్ పాత్‌ పై న‌డుస్తూ సారా సంద‌డి చేసింది. మాస్క్ వున్నా అమెని రోడ్డుపై వున్న సాధిర‌ణ జ‌నం గుర్తు ప‌ట్టేస‌రికి వెంట‌నే త‌న కారులోకి జారుకుని అక్క‌డి నుంచి వెళ్లిపోయింది. సారా ప్ర‌స్తుతం అక్ష‌య్ కుమార్‌... ధ‌నుష్ ‌తో క‌లిసి `అత్రంగి రే` చిత్రంలో న‌టిస్తోంది.